Гарма Данцаранович Санжеев

Гарма Данцаранович Санжеев (2.2.1902 ж.т., Иркутск губерниясы, Балаған уезі – 1982 жылы) бурят кеңес тіл маманы, филология ғылымдарының докторы (1948), профессор (1935). Бурят АССР-інің еңбек сіңірген ғылым мен техника қайраткері (1962), РСФСР-дің еңбек сіңірген ғылым қайраткері (1973).

Өмірі

Ленинградтың шығыс тілдері иснтитутын (монғол бөлімі) бітірген (1928). Санжеев Мәскеу шығыс тану институтында моңғол тілдері кафедрасының меңгерушісі (1931-1954), корей және моңғол (1951-1956), түркі-моңғол және қиыр шығыс тілдері секторының меңгерушісі (1956-1970) болды.

Еңбектері

Санжеев монғол тілдерін зерттеуде салыстырмалы-тарихи әдісті қолданды, оның қазақ тілінің тарихы, диалектологиясы жөнінде де зерттеулері бар («Социалисттік Қазақстан», 13 ақпан., 1952, № 37). Санжеев - Моңғол ғылым академиясының «шетелдік профессоры» (1963), ориенталистердің Чома де Короши атындағы Венгр қоғамының құрметті мүшесі (1970).

Сыйлықтары

Eңбек Қызыл Ту орденімен, медальдармен марапатталған.

Сыртқы сілтемелер

• Гарма Данцаранович Санжеев - специалист по монгольским языкам Мұрағатталған 17 наурыздың 2013 жылы.