Геопатегендік аймақ

Мағынасы

Ежелден жер бетінде құпия әрі түсіне бермейтін әсерлер көп болғанда, ол геопагендік аймақ деп есептеледі. Соңғы кездері жұмыстың көбейгеніме деп сәл-пәл шаршаңқырап жүргендерін айтатындарда көбеюде. Мойындауға тура келді. Ондайда отырған орыныңды тексеріп көру керек екені, мүмкін үстел геопатегендік нүктесінің үстінде тұрғанда болмауы мүмкін. Алдымен геопатеген деген сөздің мағынасын біліп алуымыз керек сияқты. Ол «гео» – жер және «патеген» – зиянды деген екі сөзден тұрады. Демек, геопатегендік аймақ дегеніміз – зиянды жер, зиянды аймақ деген ұғымды білдірсе керек. Егер сіз жерде ұзақ уақыт орын ауыстырмай отырып жұмыс істесеңіз немесе жатып демалсаңыз, ұйықтасаңыз тұрған соң денеңіз делсал болып, ауыр тартып қалса немесе неше түрлі түс көріп, нашар демалсаңыз қайтер едіңіз? Әрине, оны сол күні немесе сол түнгі көңіл-күйге жатқызасыз да қоясыз. Тіпті мән бермеуіңіз де мүмкін. Біртіндеп сол орынға үйренсеңіз, дағдыланасыз. Ал бұл құбылыс қайталана береді де,адамды айықпас дерт ауруына душар етуі анық.

Себептері

Оны ешкім де білмеуі мүмкін. Себебі, бұл жәйт ғылымға кейіндері ғана белгілі бола бастаған... Соның бірі – жұмыс орнындағы жағдай болмақ. Шетелдерде оған ерекше мән береді. Зерттей келе, гигиенашылар мен физиологтардың тек сыртқы эстетикаға ғана емес, сонымен бірге түрлі метеорологиялық факторға да көп көңіл бөлінетінің білген. Рас, бізде де жұмыс орындарында санитарлық нормаларға назар аударушылық болған. Бірақ, «геопатегендік аймақ» деген ұғым көп ескеріле бермейді. Алғаш АҚШ пен Канада, Англия мен Германия сияқты өркениетті елдерде жүргізілген ғылыми зерттеулер адамдардың жұмыс қабілеттерінің төмендеп, түрлі ауруларға ұшырауы олардың жұмыс істейтін орындары мен жататын орындарына тығыз байланысты екенін анықтаған. Содан бұл ғылым бірте-бірте бізге ТМД елдеріне де тарай бастаған. Біздің аталарымыз да мұндай қолайсыз аймақтардың бар екенін бұрын да білген сияқты және оларды ең алдымен жануарлар жақсы сезінетінін де байқаса керек. «Қой» десе елең ете түсетін қалпымызбен, біз де бір сәтке ойланып қалдық. Туғаннан көзін малмен ашып, малмен бірге өмір кешкен атам қазақ табиғат құбылыстарын осы алдыңғы төрт түліктің мінез-құлқына қарап болжап отырған. Сондай-ақ, жұмыс орны мен жатын жерді қайдам, иен даладағы осындай қолайсыз аймақтарды халық ықылым заманнан білген. Білген де, ол жерлерді айналып өтетін болған. Егер жол сол аймақты кесіп өтетін болса, абайлап өтуге тырысқан. Көлікпен келе жатса, жылдамдығын азайтып, тіпті жерге түсіп, біраз кідіретіндері де болған. Біреулер «қырсық жер» десе біреулер «киелі жер» деп сан-саққа жүгіртетін ондай аймақтар жөнінде неше түрлі аңыздар да бар екенін білеміз. Геопатегендік нүкте сондай аймақтың әлсіз сәулесі болуы мүмкін. Өйткені, ГПА – жердің тартылыс күшінен пайда болатын сәуле. Жер астындағы түрлі гидро және геологиялық қозғалыстардың«энергетикалық демі» осылайша буырқанып жатады. Оның аумағы 1,5 метрден 4 метрге дейін жетуі мүмкін. Шағын нүктелері 10х10 сантиметрге де әсер етеді. Жер сәулесі кез-келген кедергіні тесіп өтеді. Және де оның күші барлық жерге тең тарайды. Сіз көп қабатты үйдің бірінші қабатында болсаңыз да, жиырмасыншы қабатында болсаңыз да, егер сол нүктеге дәл келсеңіз, бірдей әсер етеді.

Ерте заманнан мысал

Ертеректе көп қабатты үйлердің бір жақ қабырғасына орналасқан пәтерлерден рақ ауруына шалдығып, қайтыс болғандардың көбейіп кеткені анықталды. Алғаш дәрігерлер оны сонда тұратын отбасылардың генетикалық ерекшеліктеріне сай тұқым қуалаушылыққа жатқызбақшы болады. Бірақ, кейін бұл пәтерлерге мүлде басқа жақтан орын ауыстырып келген және бұрындары ата-анасы мұндай аурулармен ауырып көрмеген отбасылардың орналасып, олардың да айықпас дертке ұшырауы ойландыра бастайды. Іске маман биолокаторшылар да кіріседі. Сөйтсе әлгі үй тұрған пәтерлердің аталмыш қанатындағы бір нүктеден геопатегендік сәулелер өтетін болып шыққан.

• Әсіресе ұйықтайтын бөлмедегі кереуеттің үстіне дәл келсе, өте қауіпті. Себебі, Жер сәулесі бір нүктеден өзінің көрінбейтін толқындарын білдірмей шығарып тұрады да, адамның бүкіл ағзасын ақырындап мүжумен болады. Сөйтіп кейін оларды айықпас ауруға ұшыратады.
• Әркімнің жұмыс орнындағы үстелінің немесе ұйықтайтын бөлмесіндегі кереуеттің қолайсыз аймаққа орналасқан-орна-ласпағанын қалай білуге болмақ
• Оны биолакация тәсіліне негізделген арнайы прибор арқылы анықтауға болады. Ол ТМД елдерінің біразында қазір қолданылып та жүр. Ал біз әзірше қарапайым тәсілді ғана қанағат тұтудамыз. Әйтсе де соның өзімен-ақ біраз іс тындыруға болады.

Бірде бөлмені тексергенде екі жерден әлсіз тербеліс байқалды. Оның біреуі үстелімнің жанынан өтеді екен. Үстелді сәл-пәл шегіндіріп қойдық. Сақтықта қорлық жоқ. «Сақтансаң - сақтаймын» деп Тәңірінің өзі айтқандай бәрін білген де зиян болмасы анық.