Георгий Иосифович Ломидзе

Георгий Иосифович Ломидзе (1914 жыл 10 тамыз, Тбилиси - 1999 жыл 27 ақпан, Мәскеу) - кеңестік және ресейлік әдебиет зерттеушісі. Филология ғылымдарының докторы (1960), КСРО ғылым академиясының корреспондент мүшесі (1972). 1942 жылдан КОКП мүшесі.

Еңбек жолыӨңдеу

1947 жылы М.Горький атындағы әдебиет институтын бітірді. 1955 жылдан М.Горький атындағы Дүние жүзі әдебиет институтының кеңес әдебиеті тарихы секторының меңгерушісі. Әдеби қызметі 1935 жылдан басталды. КОКП ОК-нің жанындағы Қоғамдық ғылымдар академиясының профессоры (1955). «Әдебиеттегі социалистік реализм жөнінде» (1952), «Бірлік және әр алуандық» (1957), «Жаңаны іздеу жолында» (1963), «Кеңес әдебиетін өркендетудің теориялық мәселелері» (1964) атты кітаптардың авторы. Оның КСРО халықтары әдебиетін дамыту мәселелерін арналған «Кеңес әдебиетіндегіинтернационалдық пафос. Толғаулар, бағалар, таластар» (1970) атты зерттеуі бар.[1]

ДереккөздерӨңдеу

  1. Қазақ Совет Энциклопедиясы, Алматы, 1974ж., 7 том