Герман Никанорович Алалыкин

Герман Никанорович Алалыкин - (1886-1960), Қарағанды қаласының алғашқы дәрігерлерінің бірі, хирург, ҚазКСР-нің еңбек сінірген дәрігері (1943). Қазан университетін бітірген (1911).

• 1911-14 жылдары Петербургте әскери-медициналық академияның профессоры В. М. Жуковский клиникасының ординаторы болды. 1914 ж. майдандағы армия қатарына алынды. Азамат соғысы жылдары — Қызыл Армия бөлімдерінде әскери дәрігер.

• 1922-1930 жылдары Украинадағы Умань қаласындағы т. ж. ауруханасында дәрігер болды.

• 1930-35 жылдары өзі ұйымдастырған 1-қалалық ауруханада бас дәрігер, 1935-1941 ж. хирургия бөлімшесінің меңгерушісі.

• 1941-45 ж. эвакуациялык госпитальдарда консультант, 1946 жылдан Қарағандыдағы 1-клиникалық ауруханада бөлімше меңгерушісі болды. Алалыкин көптеген хирургтерді әзірлеп, тәрбиеледі, оның басшылығымен қалада шахтерлерге көмек көрсету жөніндегі травматологиялық, шахталарда дәрігерлік пункттер ұйымдастырылды. Ленин орденімен, медальдармен және БОАК грамотасымен марапатталған (1936). Қарағандыда Алалыкин есімімен көше аталған.