Гидрогеотермия

Гидрогеотермия – гидрогеологияның тереңде жатқан сулы қабаттардағы жылы, ыстық жер асты суларының пайда болу және алмасу жағдайларын зерттейтін саласы. Жылы, ыстық жер асты суларында еріген газдар, сирек кездесетін химия элементтер, түрлі тұздар, шипалы қосындылар болады. Сондықтан бұл сулар емдеу орындарында қолданылады. Тұрғын және қоғамдық үйлерді, жылыжайларды жылытуға, электр энергиясын өндіруге, өнеркәсіп пен а. ш-на қажет химия элементтерді ажыратып алуға пайдаланылады. Қазақстанда пайдалануға болатын жоғары темп-ралы сулар (40–50оС-тан астам) Іле, Сырдария ойпаттарында, Үстірт пен Маңғыстауда көп.