Горгона Медуза
Горгона Медуза — үш апалы-сіңілі горгоналардың ең танымалы, әйел кейпіндегі құбыжық. Медузаның шашының орнында жыландар орналасқан және бір қарағанда адамды тасқа айналдыратын қасиеті бар.
Аңыз өңдеу
Медуза өте әдемі қыз болған. Күндердің күнінде ол Афина ғибадатханасына Посейдон құдайдан қашып келеді, Посейдон құсқа айналып, ақыры Медузаны қолына түсіріп, ойлағанын істейді. Ал Афина болса, ашуланып, Медузаның шашын жыландарға айналдырып жібереді.
Медузаның өлімі өңдеу
Персей батырға Полидект патшаның берген тапсырмасы Медузаны өлтіру еді. Бұл істе оған Афина мен Гермес көмектесті. Олар Персейге грай апалы-сіңілілерге жолығып қайт деп ақыл айтады. Грай апалы-сіңілілерде ортақ бір көз және бір тіс болады. Персей қулықпен олардан көзі мен тісін ұрлап алып, ұшатын аяқ киім, сиқырлы қапшық, Аид құдайдың сиқырлы бас киіміне айырбастайды. Грайлер Персейге горгоналарға баратын жолды көрсетеді. Гермес оған үшкір қисық пышақ береді. Бұл сыймен қаруланып, ол горгоналарға аттанады. Келген кезде ол сиқырлы аяқ киім арқылы ұшып, Афинаның мыс қалқанына қарап, Медузаның басын кесіп тастайды. Ол басты сиқырлы қапқа салып, Аидтің бас киімі арқылы ешкімге көрінбей, қалған горгоналардан сәтті қашып кетеді.