Графиктік есептеу

Графиктік есептеу — әр түрлі математикалық есептеудің сандық шешімдерін график құру арқылы табу тәсілдері. Графиктік есептеу (графиктік көбейту, теңдеуді графиктік шешу, графиктік интегралдау, т.б.) аналитикалық амалдарға (операцияларға) сәйкес келетін (оны қайталайтын не оған жуықтайтын) әр түрлі салулар жүйесінен тұрады. Бұл амалдар график түрінде ретімен тізбектеліп құралады да, ең соңында ізделіп отырған шама графиктік жолмен анықталады.

Графиктік есептеудің әдісі өңдеу

Графиктік есептеу кезінде функция графигі пайдаланады. Графиктік есептеу математикада, техниканың көптеген саласында кеңінен қолданылады.

Артықшылығы мен кемшілігі өңдеу

Графиктік есептеудің басқа есептеулерден (мысалы аналитикалық т.б.) артықшылығы - оны орындаудын қарапайымдылығы және көрнектілігі, ал кемшілігі - алынатын жауаптың дәлдігінің аздығы. Дегенмен, көптеген практикалық есептерде, әсіресе, инженерлік есептерде графиктік есептеудің беретін дәлдігі жеткілікті дәрежеде болады. Кейде номограмма арқылы есептеуді де графиктік есептеу деп атайды.

Дереккөздер өңдеу

Қазақстан Ұлттық Энциклопедия. 3 том. ISBN 5-89800-149-2