Грейс Келли

Грейс Патриша Ке́лли (ағыл. Grace Patricia Kelly; 12 қараша, 1929 – 14 қыркүйек, 1982) – америкалық актриса, 1956 жылдан бері Монако ханзадасы Ренье III-нің әйелі. Альберт II-нің анасы. Аз фильмдерде түскенімен, 1955 жылы «Оскар сыйлығы» жүлдесінің номинанты атанған.

Жастық шағы

Грейс Келлидің арғы тегі немістер мен ирландықтардан тұрса да, Америкада дүние есігін ашқан. Джек Келли атты кәсіпкердің отбасында дүниеге келді. Оның Пегги атты әпкесі, Джон деген ағасы және Лизанна атты сіңілісі болған. Грейстің анасы, Маргарет Майер, жастық шағында фотомодель болды. Олар Филадельфиядағы әдемі жекежайда өмір сүрген. Грейс Келли діни колледжде католиктік білім алған. 16 жасында Дева Марияның рөлімен ең бірінші рет сахна төрінен көрінген.

Карьерасы

Нью-Йорк қаласына көшіп, Келли фотомодель болып жұмыс атқарған, драма өнерінің Америка академиясында актерлық шеберлікке үйренген. 1949 жылы Бродвейге шығып, Стринбергтің «Отец» атты пьесасында ойнайды. 1950-1952 жылдары телебағдарламалардан көрінеді. Кейін де көптеген фильмдерде түседі.

Отбасы

Грейс өз өмірін Олег Кассини атты модельермен өткізгісі келеді, бірақ, көптеген ұрыстардың кесірінен Грейстің ата-анасы оған шешімін өзгерту жайлы кеңес береді. Кейін Монте-Карлода Монако Ренье III-мен танысып, 1956 жылы 18 сәуірде екеуі үйленеді. Олардың үш баласы бар:

Каролина Маргарита Луиза (1957)
Альбер II (1958)
Стефания Мария Елизавета (1965).

Фильмография

1951-Fourteen Hours- Луиза Энн Фуллер
1952-High Noon- Эми Фаулер Кейн
1953-Mogambo- Линда Нордли
1954-Dial M for Murder- Марго Уэндис
1954-Country Girl- Джорджи Элгин
1954-Green Fire- Катерина Кноуллэнд
1954-Bridges at Toko-Ri- Нэнси Брубакер
1954-Rear Window- Лиза Фремонт
1955-To Catch a Thief- Фрэнсис Стивенс
1956-Swan- Александра ханшайым
1956-High Society- Трэйси Саманта Лорд

Дереккөздер

Грейс Келли Мұрағатталған 10 сәуірдің 2021 жылы.