Григорий Арнольдович Столяров

Григорий Арнольдович Столяров (8.3.1892, Одесса қ. - 14.9. 1963, Мәскеу қ.) - дирижер, педагог, Қазақстанның еңбек сіңірген өнер қайраткері (1947).

1915 ж. Петроград консерваториясын - Л.С. Ауэрдің скрипка, Н.Н. Черепиннің дирижерлік және А.К. Глазуновтың аспаптау кластары бойынша бітірді. 1945 - 48 ж. Алматыда тұрып, Қазақ академиялық опера және балет театрында бас дирижер болды. М.Төлебаевтын "Біржан Сара" операсының премьерасында дирижерлік етті. Ол пед. қызметпен де айналысты: Одесса консерваториясының ректоры (1923 - 29), Алматы консерваториясының (қазіргі Қазақ ұлттық консерваториясы, 1945 - 48), Мәскеу консерваториясы (1934 - 43) және Мәскеу әскери дирижерлер институтынын (1948 53) профессор болған.