Григорий Павлович Мясоедов

Григорий Павлович Мясоедов (27.9.1901, Ақтөбе қаласы - 15.10.1943, Беларусь, Гомель облысы, Лоев ауданы) - 2-дүниежүзілік соғысқа катысушы, аға сержант, орыс.

Кеңес әскері қатарында 1919 жылы болған. 1925 жылы Ақтөбеде локомотив депосында жұмыс істеген. 1932 жылы Ақтөбе ауыл шаруашылық мектебін тәмамдап, соғысқа дейін Ақмола саяси оку үйінің бастығы қызметінде болған. 1941 жылдың маусымынан Орталық майдан 65-армия 193-атқыштар дивизиясы 895-атқыштар полкі құрамында Ұлы Отан соғысына қатысқан. 1943 жылы 14 қазанда Днепрден алғашқылардың қатарында өтіп, плацдармды басып алды. Жаумен болған ауыр шайқаста ержүрек 12 жауынгердің қатарында Мясоедов ерлікпен қаза тапты. Мясоедовқа КСРО Жоғарғы Кеңесі Төралқасының Жарлығымен Кеңес Одағының Батыры атағы берілді (30.10.1943).

Ақтөбе қаласындағы орталық көшелердің біріне Мясоедовтың есімі берілген.

Ленин орденімен, бірнеше медальдармен марапатталған.