Гусан

Гусан немесе Госан (арм. Գուսան) — көне армян еліндегі кезбе ақын, әнші, жыршы, күйші, сонымен қатар сайқымазақ (бұл ретте гусан қазақ даласындағы салдарды еске түсіреді. Гусан желгі миф, әпсаналарды, эпикалық жырларды саз аспабының сүйемелімен орындайды екен. Гусан поэзиясының өзегі - махаббатты, жер басып жүрген жанның баршасына тән кәдуілгі қуаныш, қайғыны жырлау, өмір қызығын мазақтау еді. Бұл сарын христиан дінін, оның дүниеауи қызықтарды тәрк ететін қағидаларын уағыздаушы армян шіркеулерінің мақсат - мүддесіне қайшы келеді де, гусандар дін иелері тарапынан қудалауға түседі. Армениядан тыс өлкелерге кетуге мәжбүр болады. Сөйтіп олар ашуғ өнерінің негізін қалайды.