Гүлжауһар Сейітжан

Гүлжауһар Сейітжан (1947 - 2017, Қытай, Шәуешек қаласы) – журналист, ақын, Қазақстан Жазушылар одағының мүшесі.

ҚазМУ-дың (қазіргі ҚазҰУ) журналистика факультетін бітірген (1971). 1973 – 90 жылы облыстық газетте аға әдеби қызметкер, әдебиет және мәдениет бөлімінің меңгерушісі, 1990 – 99 жылы Ақтау қалалық «Қазақ тілі» қоғамының төрайымы, облыстық әкімшілікте кеңсе меңгерушісі, облыстық ақпарат басқармасында бөлім бастығы болды.

1999 жылдан шығармашылықпен айналысуда. «Тұңғыш» атты алғашқы өлеңдер жинағы (1978), «Ақерке» (1981), «Үміт жағалауы» (1985), «Жол айырық» (1986), «Гүлайым» (1987) атты өлеңдер мен әңгімелер жинағы жарық көрген. Аймақтың әйгілі адамдары, елдегі елеулі оқиғалар жайлы «Маңғыстауым – ғұмырымның арнасы», «Маңғыстау мұнайшылары», «Жаңаөзен оттары» атты кітаптары бар.

Ондаған әндерге сөз жазған.