Гүлнұр Шәкенқызы Өмірбаева

Гүлнұр Шәкенқызы Өмірбаева - 1975 жылы Жамбыл облысы, Тұрар Рысқұлов ауданындағы Көкдөнен ауылында туған. ҚР Мәдениет қайраткері, педагог-ғалым, педагогика ғылымдарының кандидаты, әнші, композитор.^[1]^[2]^[3]^[4]^[5]

Өмірбаяны

Гүлнұр Шәкенқызы 1992 жылы орта мектепті бітірген соң, 1997 жылы Қазақ мемлекеттік қыздар педагогика институтының Музыка педагогика факультетін тәмәмдаған. 1997 жылы осы институттың Музыкалық оқыту теориясы мен әдістемесі кафедрасының ізденуші–стажеры болып қабылданды. 1998 жылы өндірістен қол үзіп, аспирантураға қабылданды. 2002 жылдан бастап еңбек жолын вокал және хор дирижерлау кафедрасының оқытушысы қызметінен бастады. 2008 жылы Мәдени бұқаралық жұмыстардың теориясы мен әдістемесі кафедрасының доцент міндетін атқарушы қызметіне ауыстырылды. 2009 жылы осы кафедраның уақытша кафедра меңгерушісі қызметін атқарды. 2009 жылдан бастап Музыкалық білім және мәдениет факультетінің деканы қызметін атқарып келеді. 2010 жылы ғылыми диссертациясын сәтті қорғап, педагогика ғылымдарының кандидаты ғылыми дәрежесін иеленді.

Ғылыми еңбектері

«Ән салу өнері» оқу құралы (2007 ж.);
«Мектеп оқушыларының сыныптан тыс жұмыс барысында қазақ әндері арқылы патриоттық құндылықтарын қалыптастыру» оқу құралы (2010 ж.); -
«Патриоттық әндер» хрестоматия (2013 ж.).

Жетістігі, марапаты

2000 жылы Республикалық «Жаңа ғасырға – жаңа ән» әндер байқауының лауреаты;
2002 жылы халықаралық «Азия даусы» фестивалі аясында өткен Қазақстан әндері байқауында Елбасы тағайындаған «Алтын домбыра» жүлдесінің иегері;
2007 жылы «Арман» продюсерлік орталығынан «Ән еркесі» және «Қыздар, қыздар...» атты әндер жинағы жарыққа шықты;
2009 жылы «ҚР Мәдениет қайраткері» атағы;
2010 жылы Республикалық «Елім менің!» патриоттық әндер байқауының лауреаты;
2014 жылы ҚР Білім және ғылым министрілігінің «Ы. Алтынсарин» төсбелгісі.

Дереккөз

↑ Гүлнұр Өмірбаева (қаз.). jambyl-tylek.kz (12 сәуір 2019). Тексерілді, 21 сәуір 2020.
↑ «Қыздар, қыздар...» әні қалай өмірге келді? (қаз.). egemen.kz (4 шілде 2022). Тексерілді, 21 сәуір 2023.
↑ Гүлнұр Өмірбаева қазір қайда жүр? (қаз.). Таңшолпан бағдарламасы (29 маусым 2017). Тексерілді, 21 сәуір 2018.
↑ «Жүрек тынысы» бағдарламасында ҚР Мәдениет қайраткері - Гүлнұр Өмірбаева (қаз.). Alatau TV (24 маусым 2018). Тексерілді, 21 сәуір 2019.
↑ Гүлнұр Өмірбаева - «Бекзат» (қаз.). NOMAD NEWS Ақпараттық медиа-портал (18 наурыз 2017). Тексерілді, 21 сәуір 2019.

[1] Гүлнұр Өмірбаева (қаз.). jambyl-tylek.kz (12 сәуір 2019). Тексерілді, 21 сәуір 2020.

[2] «Қыздар, қыздар...» әні қалай өмірге келді? (қаз.). egemen.kz (4 шілде 2022). Тексерілді, 21 сәуір 2023.

[3] Гүлнұр Өмірбаева қазір қайда жүр? (қаз.). Таңшолпан бағдарламасы (29 маусым 2017). Тексерілді, 21 сәуір 2018.

[4] «Жүрек тынысы» бағдарламасында ҚР Мәдениет қайраткері - Гүлнұр Өмірбаева (қаз.). Alatau TV (24 маусым 2018). Тексерілді, 21 сәуір 2019.

[5] Гүлнұр Өмірбаева - «Бекзат» (қаз.). NOMAD NEWS Ақпараттық медиа-портал (18 наурыз 2017). Тексерілді, 21 сәуір 2019.

[1]

[2]

[3]

[4]

[5]