Гүлнәр Қалменқызы Сүгірбекова

Гүлнәр Қалменқызы Сүгірбекова (16.04.1955 жыл, Жамбыл облысы, Шу ауданы, Белбасар ауылы) - Химия ғылымдарының кандидаты (1989), докторы (2009). Қазақ.

Әкесі - Разымбеков Қалмен Разымбекұлы, Жамбыл облысы Шу ауданының халық бақылау комитетінің төрағасы болған. Анасы - Разымбекова Нілжан Мұсабекқызы, Жамбыл облысы Шу ауданының Новотроицк ауыл кеңесінде жұмыс істеген.

С.М. Киров атындағы Қазақ мемлекеттік университетінің химия факультетін (1977), мамандығы - «Физикалық химия және электрохимия»; С.М. Киров атындағы Қазақ мемлекеттік университетінің физикалық химия және электрохимия кафедрасының аспирантурасын (1988) бітірген.

Химия ғылымдарының кандидаты (1989), докторы (2009). Докторлық диссертациясының тақырыбы: «Синтез, унитиолатты металдардың кешендерінің құрылуы мен ыдырауының термодинамикалық және кинетикалық заңдылықтары». 90-нан астам ғылыми және ғылыми-әдістемелік еңбектердің, монографиялардың авторы.

1977 жылдан - Жамбыл облысы Шу ауданының Н.К. Крупская атындағы ОМ химия пәнінің мұғалімі. 1978 жылдан ҚазКСР Химия ғылымдары институтының амальгамалық химия зертханасының инженері. 1980 жылдан - Жамбыл технологиялық жеңіл және тамақ өнеркәсібі институтының жалпы және бейорганикалық химия кафедрасының оқытушысы. 1984 жылдың желтоқсан айынан - зерттеуші сынақ мерзімінен етуші, 1985-1988 жылдары - С.М. Киров атындағы ҚазМУ физикалық химия және электрохимия кафедрасының бағытты аспирантурасы. 1989 жылдан - Жамбыл технологиялық жеңіл және тамақ өнеркәсібі институтының (1998 жылы М.Х. Дулати атындағы Тараз мемлекеттік университеті болып езгерген) кафедра оқытушысы, аға оқытушы, физколоидті аналитикалық химия доценті. 2000 жылдың маусым айынан - М.Х. Дулати атындағы Тараз мемлекеттік университетінің оқу-әдістемелік бөлімінің басқарушысы, физколоидті аналитикалық химия кафедрасының доценті . 2002 жылдың қараша айынан - аға ғылыми қызметкері (әл-Фараби атындағы ҚазМУ физикалық химия және электрохимия кафедрасында доктарантура). 2004 жылдан - М.Х. Дулати атындағы Тараз мемлекеттік университетінің химия және оқыту әдістемесі кафедрасының меңгерушісі. 2005 жылдан - Павлодар мемлекеттік педагогикалық институтының химия кафедрасының меңгерушісі. 2008 жылдан бері - М.Х. Дулати атындағы Тараз мемлекеттік университетінің химия және химиялық технология кафедрасының меңгерушісі.

Жамбыл облысындағы химиялық кластердің жасалуына белсенді қатысады, инновациялық жобалардың өңдеуі мен жаңа материалдарды алу және химиялық кәсіпорындарының техника-экологиялық талдауын жасау мақсатында фосфор өндірісінің қалдықтарын залалсыздандыру, бағалау, олардың қоршаған ортаға әсер етуін болжау жөніндегі зерттеулерінің нәтижелерін енгізуімен айналысады, М.Х. Дулати атындағы Тараз мемлекеттік университетінің наноинженерлік зертханасында наноқұрылымды гетероциклді күкірт және фосфоры бар полифункционалды қолданылатын металл кешендерінің (дәрілік вирусқа қарсы препараттардың, жартылай өткізгіш материалдар мен катализаторлардың) синтезі бойынша ғылыми зерттеулерді басқарады.

Жоғарғы мектептердің өзгертілуі жөніндегі Халықаралық ғылыми-әдістемелік семинарлардың қатысушысы, ҚР Білім және ғылым қызметкерлерінің 3-ші съезінің, ҚР БҒМ тіркеу орталығының форумдары мен семинарларының, РФ нанотехнология мен наноиндустрия бойынша Бас агенттігінің делегаты, Ресейдің нанотехнология бойынша Бас агенттігінің және ҚР БҒМ ҰАО халықаралық экспертінің сертификаттарына ие.

Тұрмыс құрған. Жұбайы - Сүгірбеков Таңатар Күзембайұлы (1953 жылы туған), «Капитал-құрылыс» ЖІІІС директоры. Қызы - Габдуллина Айжан Таңатарқызы (1982 жылы туған), шығыстанушы; ұлы - Сүгірбеков Ержігіт Таңатарұлы (1991 жылы туған), ҚБТУ студенті. Немересі - Габдуллин Әлен (2007 жылы туған).[1]

Дереккөздер өңдеу

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2