Давид Лемье (ағылш. David Lemieux) (20 желтоқсан 1988, Монреаль, Канада) — армян-канадтық кәсіпқой боксшы, нокаутшы. Орта салмақта өнер көрсетеді. 36 айқас өткізіп, 34-інде жеңіп 31-ін нокаутпен (26 нокаут алғашқы екі раундтарда тіркелген) аяқтаған. Әлем чемпионы (IBF нұсқасы, 2015—қ.у.).

Биографиясы өңдеу

Давид Лемье 1988 жылы 20 желтоқсанда канадалық Монреаль қаласында дүниеге келген. Әкесінің ұлты квебектық болса, анасы — Ливандық армян отбасынан. Давидты армяндық өкіл әкесі тәрбиелеген, оның тегі Меликян болған. Давидтың айтуынша, ол армян тілін жетік меңгерген, онымен қоса армян дәстүрімен тәрбиеленген . Армян тілімен қатар Льемье француз, ағылшын, испан және араб тілін де біледі. Лемье бокспен он жасынан бастап айналысқан. Ол әуесқойлардың арасында Канаданың чемпионатын үш рет жеңіп алған. Он жеті жасында Давид Лемье кәсіпқой боксқа ауысуға ниеттенген, алайда канадалық федерацияның талабы бойынша кәмелеттік жасқа толатын сәтін күтуге мәжбүр болды.