Дайынсың ба әлде жоқ па
«Дайынсың ба әлде жоқ па» (ағылш. Ready or Not) — 2019 жылғы америкалық қара әзілді қорқынышты фильм. Гай Бьюсик және Р. Кристофер Мерфидің сценарийі бойынша Мэтт Беттинелли-Олпин және Тайлер Гиллет түсірген фильм. Басты рөлде Самара Уивинг. Фильм Searchlight Pictures (немесе Fox Searchlight Pictures) компаниясы арқылы 2019 жылы жарық көрді.
| Дайынсың ба әлде жоқ па | |
| Ready or Not | |
 Фильмнің театралды постері | |
| Жанры | |
|---|---|
| Режиссёрі |
Мэтт Беттинелли-Олпин |
| Продюсері |
Трип Винсон |
| Сценарийдің авторы |
Гай Бьюсик |
| Басты рөлдерде |
Самара Уивинг |
| Операторы |
Бретт Юткевич |
| Композиторы |
Брайан Тайлер |
| Кинокомпания |
Mythology Entertainment |
| Дистрибьютор |
Searchlight Pictures |
| Ұзақтығы |
95 минут |
| Бюджеті | |
| Кассалық түсімі | |
| Мемлекет | |
| Тілі | |
| Шыққан жылы | |
| IMDb | |
| foxsearchlight.com/readyornot/ | |
Алдын-ала көрсетілімі 27 шілде 2019 жылы болды, ал ресми тұсаукесері сол жылдың 21 тамызы орын алды. 6 миллион долларлық бюджеті бар бұл фильм, бүкіл кассалардан жалпы 57.6 миллион долларлық түсім тапты. Фильм сыншылары Самара Уивингтің орындауын, қара әзіл қоспасын жақсы бағалап, фильмге оң баға берді.
Сюжет
өңдеуБалалық шағында Дэниел Ле Домас өз отбасының зәулім үйінде көмек сұрап жалынып отырған Чарльз есімді жаралы адамды кезіктіреді. Алайда, оған көмектесудің орнына Дэниел бүкіл отбасына Чарльзді кезіктіргенін хабарлайды және рәсімдік киімдерін киген бүкіл отбасы мүшелері сол жерге жетіп келеді. Чарльздің келіншегінің өтінішін елемей Чарльзді атып тастайды. Отыз жылдан кейін Дэниелдің кіші інісі Алекс Грейспен үйлену үшін үйіне қайта оралады. Грейс жетім болып өскен және өмір бойы үлкен отбасыны армандаған қыз. Грейс Ле Домас әулетіне бірігуге өте қуанышты болады. Ле Домас әулеті табысты Le Domas Family Games басқарады. Грейс Ле Домастармен танысады: Алекстің ағасы Дэниел және оның мылжың әйелі Чарити; Алекстің нашақор әпкесі Эмили, оның күйеуі Фитч, және олардың ұлдары Джорджи мен Гейб; Алекстің қатал тәтесі Хелен; және ата-анасы Тони мен Бекки.
Үйлену тойынан кейін Грейс және бүкіл отбасы мүшелері бірге жиналады, Тони Грейске оның атасы Велиал есімді адаммен келісімшартқа отырғанын айтады. Келісімшарт бойынша Ле Домас әулеті өте бай болады, ал қайтарымына отбасы рәсімді сақтауы қажет: әр жаңа отбасы мүшелері әр түрлі ойындардың атауы жазылған карталар жасырылған қорапшадан бір картаны суырып алуы қажет және сол картада жазылған ойынды бүкіл отбасы болып ойнауы қажет. Грейс "Тығылыспақ" ойыны жазылған картаны суырып алады. Еш нәрседен күдіктенбей Грейс тығылуға кетеді. Ле Домас әулеті Грейсті өлтіру үшін әр түрлі суық қарулармен қаруланады. Алекс бұл ойынға қатысқысы келмей зәулім үйдің құпия жолдары арқылы Грейсті тауып алады және оған ойынның шартын айтады. Грейс оны әзілге санап, сенбейді, бірақ, Эмилидің үй қызметшісін Грейске санап өлтіргенін көреді. Алекс оған Ле Домас әулетінің қара қарғысын айтады: егер отбасы мүшесіне біреу үйленсе, сол адам қорапшадан ойын жазылған картаны суырып алуы қажет және сол ойынды ойнауы немесе өлуі қажет. Соңғы рет "Тығылыспақ" деген картаны отыз жыл бұрын оның тәтесі Хеленнің күйеуі Чарльз суырып алған.
Алекс Грейске қашып кетуге мүмкіндік беру үшін қауіпсіздік жүйелерін өшіреді. Грейсті Дэниел байқап қалады, бірақ, өзінің отбасынан көңілі қалған ол Грейске қашуға уақыт береді, кейін ғана отбасына ескертеді. Ле Домас әулеті ұрсысып тұрғанда, Эмили таң атқанға дейін Грейсті өлтіруге бел байлап, үй қызметшісін байқаусызда өлтіріп алады. Алекс үйдің есігін ашады. Бірақ Грейстің жолын бақшы Стивенс бөгейді. Алекс қауіпсіздік жүйелерін бұзады, кейін оны Дэниел мен Тони талдырып тастайды. Грейсті басқа үй қызметшісі байқап қалады, бірақ байқаусызда ас үй лифтінде екіге бөлініп қалады.
Грейс ат қораға қашады және ол жерде Джорджиді табады. Джорджи тапаншадан атып, Грейстің алақанын теседі. Грейс оны ұрып, талдырады, бірақ өзі шұңқырға құлап кетеді. Ол шұңқырда Ле Домас әулетінің алдыңғы құрбандарының сүйектерін табады. Шұңқырдан шығу үшін Грейс тесілген қолын шегеге тығып шығады. Ол қоршаудан өтіп, жүргізушіні тоқтатуға тырысады, бірақ ол тоқтамайды. Грейсті Стивенс көлік арқылы соңына түседі. Стивенстен құтылып, орның көлігін алып қашып кетеді. Көліктің өзіндік желілік құрылғысы арқылы Грейс полиция шақырмақшы болады, бірақ оператор оған көліктің ұрланғанын айтып, қашықтықтан көлікті сөндіреді. Стивенс Грейсті транквилизатор қаруы арқылы талдырады және үйге қарай жүреді. Грейс есін жиған соң Стивенске шабуыл жасады. Көлік апатқа ұшырап, Стивенс қайтыс болады, ал Дэниел Грейсті жаулап алады.
Ле Домас әулеті Грейсті құрбандыққа беруге дайындалады. Олар рәсімдік тостағаннан ішеді. Ішкеннен кейін бүкіл отбасы мүшелері қан құсады. Дэниел Грейсті босатып, тостағанға тұз қышқылы өлтірмейтін мөлшерін қосқанын көрсетеді. Чарити Дэниелдің тамағына атады, ал Грейс оны қарусыздандырып, тапаншаның артымен ұрады, Дэниел алған жарақатынан қайтыс болады. Грейс Тониді шаммен ұрады, және Беккидің шабуылына ұшырайды. Грейс Беккиді ойын карталары салынған қорапшамен өлімше етіп ұрады. Алекс Грейске көмектескісі келеді, бірақ ол көмектен бас тартады. Грейстің оған енді ешқашан сенбейтінін түсініп, Грейсті талдырады. Отбасы рәсімді аяқтауға кіріседі. Грейс жіптен босап, бостандыққа шығады. Отбасы мүшелері таңның атып қойғанын байқайды. Орындалмаған рәсімнен кейін оларға ештеңе болмағанын білгенде, Хелен бәрібір оны өлтіруге тырысады. Бірақ жарылып кетеді. Одан кейін бүкіл отбасы мүшелері бірінен соң бірі жарылады. Алекс Грейстен кешірім сұрайды, және оған бір-біріне деген махаббат оны өлтірмей тұрғанын түсіндіруге тырысады. Бірақ Грейс оның бетін қайтарады, ол да жарылып кетеді. Бір сәтке Ле Бейлдің елесі пайда болып, оған құрметпен бас изейді.
Қан-жоса болған Грейс өртеніп жатқан зәулім үйдің алдында темекі шегіп отырады. Полиция келгенде олар одан "Кім сізді бұлай қылған?" деп сұрайды, жауабына Грейс "туысқандарым" деп жауап қатады.
Рөлдерде
өңдеу- Самара Уивинг — Грейс, Алекстің келіншегі
- Адам Броди — Дэниел Ле Домас, Алекс пен Эмилидің алқаш ағасы
- Этьен Келличи — жас Дэниел Ле Домас
- Марк О’Брайен — Алекс Ле Домас, Грейстің күйеуі, Дэниел мен Эмилидің ағасы
- Чейз Черчилль — жас Алекс Ле Домас
- Генри Черни — Тони Ле Домас, Дэниелдің, Эмилидің және Алекстің әкесі
- Энди МакДауэлл — Бекки Ле Домас, Дэниелдің, Эмилидің және Алекстің анасы
- Кейт Зиглер — жас Бекки Ле Домас
- Мелани Скрофано — Эмили Ле Домас Брэдли, Дэниел мен Алекстің кокаинге тәуелді әпкесі
- Кристиан Бруун — Фитч Брэдли, Эмилидің күйеуі
- Элиз Левек — Чарити Ле Домас, Дэниелдің әйелі
- Никки Гуаданьи — Хелен Ле Домас, Дэниелдің, Эмилидің және Алекстің тәтесі
- Элана Дункелмэн — жас Хелен Ле Домас
- Джон Ралстон — Стивенс
- Лиам Макдональд — Джорджи Брэдли, Фитч және Эмилидің ұлы
- Итан Таварес — Гейб Брэдли, Фитч және Эмилидің ұлы
- Ханнеке Талбот — Клара, үй қызметшісі
- Селин Цай — Тина, үй қызметшісі
- Даниэла Барбоза — Дора, үй қызметшісі
Өндіріс
өңдеу2017 жылдың қарашасында Гай Бьюсик және Р. Кристофер Мерфидің сценарийі бойынша фильмнің режиссерлары Мэтт Беттинелли-Олпин мен Тайлер Гиллет болатыны жарияланды. Дайынсың ба әлде жоқ па фильмінің продюсерлері болып Трип Винсон, Джеймс Вандербилт, Уильям Шерак, Брэдли Дж. Фишер атанды. Ал атқарушы продюсерлері Тара Фарни, Трейси Найберг және Чад Виллелла болды. 2018 жылдың тамыз айынан қазан айына дейін Самара Уивинг,[3] Энди МакДауэлл,[4] Адам Броди, Марк О’Брайен, Мелани Скрофано, Генри Черни және Элиз Левек фильмде өз рөлдерін алды.[5][6]
Негізгі түсірілім 15 қазан 2018 жылы басталып, 19 қараша 2018 жылы аяқталды. 26 күндік түсірілім Торонто маңындағы жерлерде өтті, соның ішінде Каса Лома, Саннибрук саябағы, Клэревил қорығында, сондай-ақ Ошавадағы (Онтарио) Парквуд Эстэйтта өтті.[7]
Шығарылуы
өңдеуФильмнің алғашқы трейлері 17 маусым 2019 жылы шықты. Фильмнің әлемдік тұсаукесері 27 шілде 2019 жылы "Фантазия Халықаралық Фильм Фестивалінде" (ағылш. Fantasia International Film Festival) өтті,[8] ал АҚШ-та кинопрокатқа 21 тамыз жіберілді.[9]
Қабылдау
өңдеуКассалық түсім
өңдеуФильм АҚШ пен Канадада 28.7 миллион доллар және басқа аумақтарда 28.9 миллион доллар жинады. Жалпы кассалық түсімі 57.6 миллион долларды құрады, ал фильмнің бюджеті 6 миллион доллар.
Алғашқы демалыс күндері фильм АҚШ пен Канадада шамамен 6.5 миллион доллар және алғашқы бес күнде шамамен 8—12 миллион доллар жинайды деп жоспарланған. Бұл фильмді 2,818 кинотеатрларда көрсетті және бұл Fox Searchlight-тың ең үлкен релизі болды.[10][11] Алғашқы күні, сәрсенбіде, 1.9 миллион доллар тапты және сондай-ақ сейсенбіде өткен алдын-ала қаралымда 730,000 доллар, екінші күні, бейсенбіде 1.1 миллион доллар жинады. Фильм алғашқы демалыс күндері 8 миллион доллар жинады (және алғашқы бес күнде 11 миллион жинады), бұл көрсеткішпен ол алғашқы екі күнде екінші орынды және демалыс күндері алтыншы орынды иеленді.[12] Екінші демалыс күндері ол бар болғаны 26 пайызға төмендеп, 5.9 миллион доллар тауып, бесінші орынды иеленді.[13]
Сындар
өңдеуФильм негізінен сыншылардың оң бағасын алды. Rotten Tomatoes сайтында 275 пікірлерге негізделген 88 % пайыз оң көзқарас бар және орташа рейтингі 7.19/10.[14] Internet Movie Database сайтында 106 мыңға жуық пікір бойынша фильм 6.8/10 баға алған.
Дереккөздер
өңдеу- ↑ Faughnder, Ryan Now in theaters: Every movie that didn't want to compete with Disney. Los Angeles Times (August 21, 2019). Тексерілді, 22 тамыз 2019.
- ↑ Ready or Not (2019).
- ↑ McNary, Dave Samara Weaving to Star in Thriller 'Ready or Not' for Fox Searchlight (August 22, 2018). Тексерілді, 26 қазан 2018.
- ↑ D'Alessandro, Anthony Andie MacDowell Joins Fox Searchlight Thriller 'Ready Or Not' (September 20, 2018). Тексерілді, 26 қазан 2018.
- ↑ N'Duka, Amanda Adam Brody & Mark O'Brien Join 'Ready Or Not' Thriller At Fox Searchlight (October 18, 2018). Тексерілді, 26 қазан 2018.
- ↑ N'Duka, Amanda Eden Brolin Joins Vince Vaughn In 'Arkansas'; Fox's 'Ready or Not' Adds Elyse Levesque (October 23, 2018). Тексерілді, 26 қазан 2018.
- ↑ Marc, Christopher Fox Searchlight's Thriller 'Ready Or Not' Starring Samara Weaving Shoots October-November (September 13, 2018). Тексерілді, 26 қазан 2018.
- ↑ Kay, Jeremy Fox Searchlight's horror 'Ready Or Not' joins Fantasia line-up (June 27, 2019). Тексерілді, 30 маусым 2019.
- ↑ D'Alessandro, Anthony Disney-Fox Updates Release Schedule: Sets Three Untitled 'Star Wars' Movies, 'New Mutants' Heads To 2020, 'Ad Astra' To Open Fall & More (May 7, 2019). Тексерілді, 7 мамыр 2019.
- ↑ McClintock, Pamela Box Office: 'Ready or Not' Gets the Widest Release in Fox Searchlight's History (August 21, 2019).
- ↑ Rubin, Rebecca 'Ready or Not,' 'Angel Has Fallen' Enter Box Office Race (August 21, 2019).
- ↑ D'Alessandro, Anthony Gerard Butler's 'Angel Has Fallen' Rises Near Franchise's 'London' Sequel With $21M+ Opening – Sunday Final B.O. (August 25, 2019).
- ↑ D'Alessandro, Anthony 'Angel Has Fallen' Still In Flight At Sluggish Labor Day Box Office With $16M+ 4-Day (September 1, 2019).
- ↑ Ready or Not (2019) (ағыл.). Rotten Tomatoes.
