Дальтонның атомистік теориясы (Атомистическая теория Дальтона) - 1808 жылы Дальтон атом туралы келесі тұжырымдамаларды ұсынды:

Барлық зат өте кішкене бөлшектерден - атомдардан тұрады.
Жай заттар (элементтер) одан әрі бөлінбейтін, біріне-бірі ұқсас, басқалардан айырмашылығы бар, жай атомдардан, ал күрделі заттар (қосылыстар) "күрделі атомдардан" тұрады. "Күрделі атомдар" реакция кезінде жай заттардың атомдарына ажырайды.
"Күрделі атомдар" әр түрлі жай атомдардың азғана санына құралады. Мысалы, екі жай заттың (А және В) атомдары қосылып күрделі зат бере алады, ол "күрделі атомдардың" құрамы: АВ, А₂В, АВ₂ т.б. болуы мүмкін, демек, екі элемент арасында бірнеше қосылыс түзілуі мүмкін.
"Күрделі атомның" салмағы оны құраушы жай атомдардың массаларының қосындысына тең. Атомдардың массасы оларды сипаттаушы қасиетінің бірі, сондықтан атомдардың салыстырмалы массасын білу қажет.

Дереккөздер:

С.К.Мырзалиева "Химия" (Балаларға арналған энциклопедиялық анықтамалық Алматы 2012ж.)