Дарын мемлекеттік сыйлығы
«Дарын» мемлекеттік сыйлығы — Қазақстан Республикасының Үкіметінің дарынды жастарға берілетін мемлекеттік сыйлығы. Ол 1992 жылы бастап, жемiстi ғылыми, шығармашылық, қоғамдық қызметі, сондай-ақ жоғары спорттық жетістіктері үшін дарынды жастарды мемлекеттік қолдау мақсатында жыл сайын бекітілген номинациялар бойынша беріліп келеді. Мақсаты - қазақстандық жастардың ғылыми, шығармашылық, қоғамдық қызметіне мемлекеттік тұрғыдан қолдау көрсету, олардың шығармашылық ізденістеріне, қоғамдық бастамаларына және тұлғалық қалыптасуына кеңінен мүмкіндіктер ашу.[1]
Сыйлық алуға өтінімдер қабылдау аяқталған кезде 35 жасқа толмаған, халықаралық және республикалық конкурстардың, фестивальдер мен көрмелердің лауреаттары, республикалық және халықаралық деңгейлердегі спорттық жарыстардың жүлдегерлері мен жеңімпаздары болып табылатын Қазақстан Республикасының азаматтары, сондай-ақ қызметі инновациялық болып табылатын және тиісті сала мен тұтастай қоғамды дамытуға ықпал ететін кандидаттар үміткер болады.
Сыйлыққа ие болған адамдарға «Дарын мемлекеттік жастар сыйлығының лауреаты» атағы беріліп, диплом, төсбелгі және ақшалай сыйақы тапсырылады.
Әдебиет саласындағы "Дарын" сыйлығының лауреаттары: Ә.Ысмайылов, Д.Амантайұлы, Б.Жақып, М.Тазабеков, Б.Жүсіповв, А.Темірбай, Д.Қамзабекұлы, А.Шәріп, М.Райымбекұлы, Д.Кәпұлы.[2]
Дереккөздер
өңдеу- ↑ Саяси түсіндірме сөздік. – Алматы, 2007. ISBN 9965-32-491-3
- ↑ “ Қазақ әдебиеті. Энциклопедиялық анықтамалық. — Алматы: «Аруна Ltd.» ЖШС, 2010 жыл.ISBN 9965-26-096-6
