Денсаулық сақтау ісіне қосқан үлесі үшін медалі
Бұл мақала әлі тексерістен өтпеді. Тексерілмеген мақалалардағы мәліметтер сенімсіз болуы мүмкін.
|
"Денсаулық сақтау ісіне қосқан үлесі үшін" медалі – 2011 жылғы 15 желтоқсандағы Қазақстан Республикасы № 1539 қаулысымен бекітілген
Толығырақ өңдеу
"Денсаулық сақтау ісіне қосқан үлесі үшін" медалімен Қазақстан Республикасының денсаулық сақтау жүйесіне айрықша үлес қосқан Қазақстан Республикасының азаматтары, сондай-ақ Қазақстан Республикасының аумағындағы шетелдіктер мен азаматтығы жоқ адамдар денсаулық сақтау саласындағы көрнекті әзірлемелері, белсенді және жемісті қайырымдылық қызметі және мейірімділігі, қызметтік міндеттерін орындау кезінде көрсеткен кәсіптік шеберлігі мен жанқиярлығы үшін, кемінде 40 рет қан беруді және (немесе) кемінде 70 рет қан плазмасын беруді өтеусіз жүзеге асырғаны үшін марапатталады.
"Денсаулық сақтау ісіне қосқан үлесі үшін" медалімен денсаулық сақтау жүйесінде 10 жыл еңбек өтілі бар денсаулық сақтау жүйесінің қызметкерлері марапатталады.
Құрметті белгінің сипаттамасы өңдеу
"Денсаулық сақтау ісіне қосқан үлесі үшін" медалі диаметрі 40 мм шеңбер нысанында жезден жасалады. Шеңбердің ортасында медицина эмблемасы – тостағанға оралған жылан, жоғары бөлігінде – шығып келе жатқан күн сәулесі, төменгі жағында – лавр бұтақтары бейнеленген. Шеңберді бойлай "ДЕНСАУЛЫҚ САҚТАУ ІСІНЕ ҚОСҚАН ҮЛЕСІ ҮШІН", "ҚАЗАҚСТАН" деген жазулар орналасқан. Медалі фоны жылтырақ, әріптер және бейнелер шығыңқы, күңгірттелген. Медалінің сыртқы жағы күңгірттелген.
Медалі құлақша мен шығыршық арқылы ені 33 мм және биіктігі 20 мм көгілдір түсті қатқыл лентамен қапталған тікбұрышты тағанмен жалғанады. Медалі киімге визорлы бекіткіші бар түйреуіш арқылы бекітіледі.