Десант жасағы

Десант жасағы — теңіз десантын жағалауға тасуға және түсіруге арналған түсіру күштерінің кемелерінен құралған уакытша құрылым, әскери тәртіпте теңіз десантын түсіру күштерінің элементтері. Десанттық және корғаныс кемелері десанттарга қарсы қойылған кедергілерді талқандау кемелерін қамтиды. Десант жасағы теңізден өтуде ұрыс қимылдарын жүргізу үшін жауынгерлік сапқа тез тұруларын қамтамасыз ететін, десанттардың түсірілуін тапсырылған қарқында жүзеге асыратын жорықтық өткелдер аркылы отеді. Десант кемелері ордердің орта тұсында кильватерлік лектерге орналасады. Лектегі кемелер, сонымен қатар лектер арасының қашықтығы төнгелі тұрған қауіптің сипатына байланысты әр уақытта белгіленіп отырады. Сақтық кемелері десант кемелерінің шеткі лектерінің сыртқы жағына орналастырылады. Десант жасағы түсіру ауданына жақындағаннан-ақ түсіру күштері командирінің белгісі бойынша ұрыс тәртібімен қайта caп құрады да басқа түсіру күштерінің қосылуымен бірге десант түсіру ұрысына кіріседі.