Джокер (ағылш. Joker — Әзілқой) — DC Comics әлеміндегі супержауыз, Бэтменнің қас жауы. Комикстерде Джокердің тарихы туралы айтылмайды.

Джокер
Joker
Шығу тарихы
Дебют

Batman #1 (1940 жылдың көктемі)

Авторлары

Боб Кейн
Билл Фингер
Джерри Робинсон

Кейіпкер сипаттамасы
Позициясы

Жауыздық

Толық есімі

Белгісіз

Лақап аттары

Қылмыстық ханзадасы
Джек Напьер
Джей мырза
Джозеф Керр
Джек Уайт
Пудинг
Бәліш

Түрі

Адам

Бойы

185 см

Салмағы

75 кг

Шашының түсі

Ашық жасыл

Отбасылық жағдайы

Үйленбеген

Жұмыс түрі

Химия, өнер

Командалар мен ұйымдар
Командалары

Джокер бандасы
Әділетсіздік әскері
Әділетсіздік бандасы
Супержауыздар қоғамы
Супержауыздар ұйымы
Аркхэм әділет әскері

Одақтастары

Харли Квинн
Жұмбақшы
Екіжүзді
Джейсон Тодд

Жаулары

Бэтмен
Робин
Найтвинг
Бэтгёрл
Гордон комиссар

Ерекше күштері

Кемеңгерлі зерде
У және жарылғыш заттар
Техника білімі
Кейбір химикаттарды жұқтырмау
Түрлі қаруды шебер пайдалану
Көсемдік
Төбелес шеберлігі
Қашу шеберлігі
Шапшаңдық және тәсілқойлық
Тамаша актёрлік
Қайта түрлену шеберлігі

Жабдықтауы

Күлкі уы
Клоун реквизиті стиліндегі гаджеттер:

  • қышқылды гүл
  • жүзік-электрошокер
  • атқыш ойыншық тапанша
  • «Джокер» атты өткір ойын карталары
  • жарылғыш жуан темекілер

Бэтменде (1966) өңдеу

1966 жылы шыққан "Бэтмен" фильмінде Джокер рөлін Сесар Ромеро сомдады. Бұл фильмде Джокердің шашы ашық жасыл түсті, жимиысы ашық қызыл түсті далаппен боялған, костюмі қою қылғылт түсті, қолғабы күлгін түсті. Супержауызда өзінің жеке көлігі бар: Джокермобиль — түрлі түсті фургон. Шынайы есімі мен тегі жайлы айтылмайды, және оның ақша беті қайдан пайда болғаны белгісіз. Бұл фильмдегі Джокер жауыз емес, әзілқой, себебі оның барлық шабуылдары жауыздық емес, тек әзілқойлылық болып табылады.

Бэтменде (1989) өңдеу

 
Джек Николсон

1989 жылы шыққан "Бэтмен" фильмінде Джокер рөлін атақты Джек Николсон сомдады. Сол рөлі үшін актер BAFTA марапатында екінші желідегі үздік еркек рөлі номинациясында болды, бірақ жеңе алмады. Сонымен қатар 1990 жылы Джек "Алтын глобус" марапатына номинацияланған. Бұл фильмде алғаш рет Джокердің тегі анықталады. Ол Джек Напьер атты қылмыскер және Готэмнің қылмыскерлік басшысы Карл Гриссомның "оң қолы". Химиялық зауытты тонау кезінде Гриссом Напьерді сатып кетті, себебі ол өз қызының өзінің оң қолымен қарым-қатынаста екенін біліп қойды. Бэтмен мен Напьер күресі нәтижесінде Джек улы кеспекке түсіп, беті қатты жараланды. Джек тірі қалды, алайда оның беті жансыз сұрлылық түске, аяғы қара түсте, ал шашы жасыл түске боялды, және санасы бұзылды. Бетін қалпына келтіру үшін ол пластикалық хирургқа ота жасатты, алайда нашар құрал-саймандардан Джек бетінде мәңгіге күлкі қалып қойды. Сондықтан Джек өзіне "Джокер" деген жаңа есім қойды. Кек алу мақсатында ол Гриссомды өлтіріп, қала қылмыскерлігінде билік орнатады. Джокер Готэм Ситиде көптеген улы заттарды таратып, қалада аласапыран орнатады. Брюс Уэйн Джокердің жүзіне қарап, өзінің әке-шешесін өлтірген қылмыскерді есіне алады. Ұзаққа созылған айқас нәтижесінде Бэтмен Джокерді биік ғимараттан құлатып, өлтіреді.

Қара серіде (2008) өңдеу

 
Хит Леджер

2008 жылы шыққан "Қара сері" фильмінде Джокер рөлін Хит Леджер сомдады. Сол рөлі үшін актер Оскар марапатында екінші желідегі үздік еркек рөлі номинациясын жеңді. Бұл фильмде Джокер шындыққа жанасу мақсатымен көптеген өзгерістерге ұшырады, бұл ретте негізгі келбеті сақталды: ашық жасыл түсті шаш, көз маңайы қара түсті сұлба, ақ түсті бет, күлгін түсті кір костюм және қара күлгін түсті былғары қолғап. Джокердің шын есімі мен тегі қайтадан анықталмады. Құрбандарды қорқыту үшін Джокердің беті ақ түсті гриммен боялған. Гримм өзінен өзі бірте-бірте түсе бастайды, оны бірнеше сценада байқауға болады. Бетінің екі жағында аузынан құлағына дейін ұзартылған "Глазго жымиысы" деп аталатын тыртықтары бар. Тыртықтар шығу тегінің екі нұсқасы: 1) отбасылық ұрыс кезінде әкесі ұстарамен жымиысын салып берді; 2) әйелінің көңілін табу мақсатымен өзіне ұстарамен жымиыс салды. Алайда бұл екі нұсқа жалғаны болуы мүмкін, себебі бұл нұсқаларды Джокер өзінің құрбандарын өлтірейін деп жатқан кезінде айтады. Нигерия мафиясының басшысы Гэмблды өлтірейін деген кезінде, Джокер сол нұсқалардың біріншін айтқан кезде, атақты "Немене көңілсізсің" (ағылш. Why so serious?) сөз тіркесін айтты. Бұл сөздер фильмнің ұранына айналды. Хит Леджердің Джокері қару ретінде пышақты ұнатады, себебі пышақ құрбанның шынайы бетін ашады. Сонымен қатар жауыз динамитті, оқ дәріні және жанармайды ұнатады. Фильм соңында Джокер Бэтменмен айқас кезде, Қара серінің қолына ұсталып, жындыханаға түседі.

Жанкештілер жасағында (2016) өңдеу

 
Джаред Лето

2016 жылы шыққан "Жанкештілер жасағы" фильмінде Джокер рөлін Джаред Лето сомдады.