Джон Оно Леннон (ағылш. John Ono Lennon, шынайы есімі — Джон Уинстон Леннон, ағылш. John Winston Lennon; 9 қазан 1940, Ливерпуль, Англия — 8 желтоқсан 1980, Нью-Йорк, АҚШ) — британдық рок-сазгер, әнші, композитор, суретші, жазушы.

The Beatles тобының негізін қалаушы және мүшесі, 20 ғ. ең әйгілі сазгерлерінің бірі.

Музыкалық қарекетімен қатар Леннон саяси қайраткер болды. Өзінің көзқарастарын ол өз әндері мен бұқараның алдында жеткізіп жүрді. Атақты «Imagine» әнінде Леннонның әлемнің қалай құрылуы жөнінде ойлары байқалады. Леннон адамдардың арасындағы теңдікті, бостандықты, бейбітшілікті жырлады. Бұның бәрі оны хиппилердің кумирі болуымен қатар 1960—1970 жылдардағы ең белгілі қоғам қайраткерлері қатарына қосты.

2002 жылы БиБиСи медиакорпорациясы (ағылш. BBC) ең ұлыбритандықтар тізімін құрастыру мақсатында сұрау жүргізді. Джон Леннон бұл тізімде тоғызыншы орынды алды.

Балалық шағы мен жасөспірім кезі

Джон Леннон 1940 жылдың 9 қазанында сағат таңғы 6:30-да неміс авиациясының Ливерпульге шабуылы кезінде дүниеге келді. Оның ата-аналары Джулия және Альфред Леннон нәрестелерінің туулуынан кейін ажырасып кетті.

Джулия Леннон екінші рет бақытын сынап, өзге ер адамға қосылғанда, 4 жасар Джонды балалары болмаған нағашы апасы Мими Смит пен оның жұбайы Джордж Смит тәрбиесіне алады. Мими тәрбие жағынан қатал адам болып, Джонның музыкаға қызығушылығын жақтырмады. Джон аса тапқырлығы мен мысқылшылдығымен ерекшеленді. Ол гитараны меңгеріп жатырған кездерінде Мими үнемі: «Гитара — жақсы нәрсе, әрине, бірақ саған күнкөріске ақша табуға көмектеспейді!» -деп, міңгірлеп отыратын. Кейін даңқ пен атаққа қол жеткізген Леннон тәтесіне жағалауда орналасқан зейнетті сарай сыйлап, оның сөздері жазылған мәрмәр тақтаймен бөлмені безендірді. Джон әкесінің орнын басқан Джорджбен бірден тіл табысып кетті. Өкінішке орай, 1955 жылы Джордж көз жұмды. Сол кезеңде Джон екінші жұбайы мен 2 баласымен тұрып жатқан анасымен жақын араласа бастады.

Леннонның мектеп өмірінің қалыптасқан кертартпа тәртібіне төзгісі келмеді. Өзінің дарындылығына қарамастан, ол оқу озатынан нашар оқушыға айналды. Леннон мектеп қабырғасында өзінің шығармашылық қабілеттерін ашты— хор үйірмесіне қатысып, өз суреттерімен безендірілген мектеп журналын шығарды. Оның сүйікті кітабы «Ғажайып елдегі Алиса» болды. 1952 Леннон Куоррибенк орта мектебінен тап болды. Джон үнемі тәртіп бұзып, мұғалімдерге карикатура салумен көзге түсті. 1950 жылдары Леннон рок-н-роллға қызығушылығы пайда болып, 1956 жылы мектептегі жолдастарымен The Quarrymen тобын құрды. Топтың құрамында Джон гитаршы рөлін атқарды. Оны есепке алмағанда, топтың ішінде 5 адам болды. 1957 жылдың 6 шілдесінде Леннон Пол Маккартнимен танысып, Пол Quarrymen-ның жаңа мүшесі атанды. Көп ұзамай Маккартни топқа Джордж Харрисонды енгізді.

Джон бітіру емтихандарын тапсыра алмай, Ливерпульдық көркемөнер мектебіне түсу үшін директордың көмегіне жүгінеді. Осы оқу орнынан ол Quarrymen-ның тағы бір болашақ мүшесі Стюартом Сатклиффпен танысады. Өзінің болашақ жұбайын Синтию Пауэллді де осында кездестіреді.

1958 жылы Джонның анасы жазатайым оқиғадан көз жұмады. Джулияның қазасы Джон үшін ауыр тиді. Кейін ол анасына бірқатар әндерін арнады — «Julia», «Mother» и «My Mummy’s Dead». Анасының ажалы Джонның болашағына өзіндік ықпалын тигізді. Quarrymen тобы 1959 жылы жойылды, сол жылы Silver Beetles жаңадан пайда болды. Кейін оның атауы ауыстырылды. Осылайша, аңызға айналған The Beatles тобы пайда болды.

Альбомдары

John Lennon
	John Lennon
Негізгі ақпарат
Туған кездегі есімі	John Winston Lennon
Туған күні	9 қазан 1940
Туған жері	Ливерпуль, Англия
Қайтыс болған күні	8 желтоқсан 1980 (40 жас)
Қайтыс болған жері	Нью-Йорк, АҚШ
Белсенділік жылдары	1956—1980
Мамандықтары	әнші, сазгер, ақын, суретші, бейбітшілік қайраткері
Аспаптары	Гитара, Гармоника, Пианино, Бас, , Банджо, Соқпалы аспап, Перкуссия
Жанрлары	Rock, Pop, Experimental
Лақап аттары	Dr. Winston O`Boogie
Ұжымдары	The Beatles; Plastic Ono Band; The Dirty Mac
johnlennon.com

John Lennon/Plastic Ono Band (1970)
Imagine (1971)
Some Time in New York City (with Yoko Ono) (1972)
Mind Games (1973)
Walls and Bridges (1974)
Rock 'n' Roll (1975)
Double Fantasy (with Yoko Ono) (1980)
Milk and Honey (with Yoko Ono) (1984)