Джордж Гордон Мид
Джордж Гордон Мид (Meade, George G(ordon))(31 желтоқсан 1815 жыл, Кадис, Испания – 6 қараша 1872 жыл, Филадельфия, Пенсилвания штаты, АҚШ), американдық әскери қолбасшы, генерал, АҚШ-тағы Азамат соғысының қатысушысы.
Вест-Пойнт (1835 жыл) академиясын тәмамдағаннан соң әскери қызметін шекарада атқарған. 1842 жылдан бастап қайта армия қатарында қызмет етіп, 1861 жылы Пенсильвания еріктілерінің бригадалық генералы қызметіне тағайындалды. Булл Ран, Антиетама және Чанселорвиллге қатысады. Геттисберг шайқасының басталуына үш күн қалғанда Потомак армиясының қолбасшысы Джозеф Xукердің орнына қолбасшы қызметіне бекітіледі. Геттисберг маңындағы шайқаста конфедераттардың шабуылына төтеп береді, алайда Роберт Ли әскерінің артынан қумағаны үшін сынға ұшырайды. 1864 жылдан бастап Улисс Гранттың қоластында абыроймен қызмет етеді. Соғыстан кейін бірнеше соғыс аймақтарына қолбасшылық етеді.
Сыртқы сілтемелер
өңдеу| Ортаққорда бұған қатысты медиа файлдар бар: Category:George Meade |