Диффузиялық тұмандықтар

Диффузиялық тұмандықтар – ыстық жұлдыздар маңайындағы газдардың иондалған бөлігі (әлем кеңістігіндегі ең ыстық жұлдыздар). Диффузиялық тұмандық ыстық газ қысымы әсерінен ұлғаяды. Аз ғана тығыздалған жұлдызаралық газдар мен тозаңдарға кездескен ұлғайған тұмандық оларды айналып өтеді. Осы тығыздалған бөліктердің ыстық газбен сығылуы болашақта жаңа буын жұлдыздарының «ұрығы» пайда болатындай салқын тозаңды газ бұлттың бөлініп шығуына көмектеседі.

Диффузиялық тұмандықтар аса жаңа жұлдыздардың тұтануы кезінде де пайда болуы мүмкін. Аса жаңа жұлдыздардың тұтануы жұлдыздар дамуында болатын апатты процесс, оның нәтижесінде орталық бөлігі сығылып, жұлдыздардың көлемді сыртқы қабығы бөлініп жоғары жылдамдықпен сыртқа лақтырылады. Жүздеген жылдардан кейін апат орнында жаңа тұмандық – заттың жарылуы кезінде жарықшақтың бастапқы қалдығы байқалады. 1054 жылы 4 шілдедегі аса жаңа Торпақ шоқжұлдызындағы тұтану қалдығы 23 күн бойы көрінген. Ол «Шаян пішінді» тұмандық деп аталады.