Дмитрий Владимирович Брусникин

Дмитрий Владимирович Брусникин – совет, орыс театр- және кинорежиссері, актер, сценариші және театр ұстазы. 1993 жылы Ресейдің еңбек сіңірген әртісі, 2009 жылы Ресей Федерациясының еңбек сіңірген өнер қайраткері атағын алады.

Биографиясы

Дмитрий Брусникин 1957 жылы 17 қарашада Потсдамда Владимир Михайлович Брусникин және оның әйелі Александра Дмитриевна отбасында дүниеге келеді. 1973 жылы Мәскеу электронды техникалар институтына түседі.

Дмитрий театр мансабын 1975 жылдан бастайды. 1977 жылы академиялық демалыс алып, киноактер театр-студиясында машинист болып жұмыс істейді.

1978 жылы Мәскеудің 3 театрлық жоғары оқу орнына (Щепкин және Щукин училищелері және МХТА мектеп-студиясы) құжаттарын тапсырады. Соңында үшеуінен де конкурс жеңіп алады, бірақ курсты Олег Ефремов қабылдаған мектеп-студиясын таңдайды. Мектеп-студиясы қабырғасында оқып жүргенінде өзінің болашақ әйелі әрә курстасы Маринаны кездестіреді. 1979 жылы 25 мамырда некеге тұрады.

1982 жылы МХТА-ның мектеп-студиясын тәмамдап, МХТА құрамына қабылданады.

1983 жылы 21 маусымда Дмитрий мен Маринаның ұлы Филипп дүниеге келеді.

2009 жылы Дмитрий Владимирович «Ресейдің еңбек сіңірген өнер қайраткері» атағына ие болады.