Домен (магнетизм)

Домен (фр. domaine - иелік, қожалық, меншік) - химиялық біртекті ортаның электрлік, магниттік не серпімділік қасиеттерімен немесе бөлшектерінің реттелгендігімен ерекшеленетін аймақтары. Олар антиферромагнитті домен, ферромагнитті домен, сегноэлектрикті домен, Ганн домені, сұйық кристалдар домені т.б. ажыратылады. Ферромагнитті домен - Кюри нүктесінен төмен температурада ферромагнетик көлемі бөлігінің қанықанша өздігінен магниттелген аймақтары. Әдетте, мұндай домендердің сызықтық өлшемдері -10^-3 - 10^-2см. Сегнетоэлектриктер домені сегнетоэлектриктердің өздігінен полярланған біртекті аймақтары. Олардың сызықтық өлшемдері -10^ - 5 - 10^-3 см. Ганн домені күшті электр өрісінде шала өткізгіштің меншікті кедергісі және электр өрісі кернеулігі әр түрлі болып жіктелген аймақтары.