Дональд Дак

Дональд Дак (ағылш. Donald Duck) — The Walt Disney Company мультфильмдеріндегі кейіпкер.

Дональдтың Диснейлендтегі үйі

Тегі үйректерден таррайды. Әкесі — Квакмор Дак, шешесі — Гортензия Дак.

Оның қауырсындары аппақ, ал тұмсығы мен аяқтары сап-сары. Көк жолақ жейдесі мен тақиясын киіп жүреді.

Бірінші рөлін 1934 жылы «Салиқалы тауық» (The Wise Little Hen) драмасында ойнады. Ал екінші фильмде Микки Мауспен бірге түсті — «Жетімнің жеткені» (Orphan's Benefit).

Ол Микки Мауспен дос болса да, онымен көрермендердің назары үшін жиі таласып жүреді. Мінезі әзілқой, мақтаншақ және ашуланшақ.

Оның Хьюи, Дьюи және Луи есімді үш жиені бар. Скрудж Макдак деген олигарх ағасы бар.