Достық даңғылы (Алматы)

Достық даңғылы – Алматы қаласындағы даңғыл. Медеу ауданында Пушкин мен Зенков көшелерінің арасында орналасқан. Жібек жолы даңғылының қиылысынан басталып, Гоголь көшесін кесіп өтеді, одан әрі 28 гвардияшы-панфиловшылар атындағы саябақпен үзіліп, Қазыбек би көшесінен (бұрынғы Советская), Төле би (бұрынғы Комсомольская), Бөгенбай батыр (бұрынғы Киров) көшелерін қиып өтеді. Қарасай батыр (бұрынғы Виноградова), Қабанбай батыр (бұрынғы Калинин), Жамбыл, Шевченко, Құрманғазы, Абай даңғылы, Сәтбаев, Жолдасбеков, Ньютон, Армянская көшелері, әл-Фараби даңғылы, Қажымұқан, Рубинштейн, Клочков, Митина, Крючков, Крючков. көшелері Керей-Жәнібек хандар (бұрынғы Тау) көшесіне айналады, бұл Медеуге апаратын тас жол.

Даңғылға Достық атауы (Алматы қаласы әкімінің 12.12.1995 № 202 шешімі) берілген. «Достық» сөзі татулық, ынтымақтастық, бірлік мағыналарын білдіреді.

Қазақстан қонақ үйі

Даңғылдың негізі 1919 жылы қаланған. Даңғыл Медеу ауданында орналасқан. Ол «Көк базар» сауда орталығынан басталып, Кіші Алматы өзеніне қатарлас және осы өзеннің қиылысқан жеріне дейін созылып, санаторийлер мен демалыс аймақтары орналасқан аймаққа барып тіреледі. Достық даңғылы көпшіліктің сүйікті демалыс орындары Көктөбеге, «Медеу» спорт кешеніне және «Шымбұлақ» тау шаңғысы спорт базасына баратын жолмен жалғасып жатыр. Кеңес өкіметі жылдарынан бастап даңғыл қаладағы ең маңызды магистральдардың біріне айналды.

Бұрынғы атаулары:

• а)Генерал Колпаковский көшесі;
• ә)Ленин даңғылы.

Даңғылдың ұзындығы - 8000 метр.

Даңғыл бойында Республика сарайы (Сарай 1970 жылы салынған. Сәулетшілер: В.Ю.Алле, В.Н.Ким, Ю.Г.Ратушный, Н.И.Рипинский, Л.Л.Ухоботов, т.б. Сарай Абай алаңы архитектуралық ансамблінің бір бөлігі), Оқушылар Сарайы (1983 ж. салынған. Сәулетшілер: В.Н.Ким, А.П.Зуев.Т.С.Әбілдаев), «АРК» галереясы, «Достар» бизнес-орталығы, «Вернисаж» галереясы орналасқан. Абай атындағы Қазақ ұлттық педагогикалық университеті. Кино және теледидар техника-экономикалық академиясы секілді жоғары оқу орындары бар. Даңғылда: Алматы тарихи-өлкетану мұражайы, Археологиялық мұражай, №27 кітапхана, №39 кітапхана, «Қазақстан» қонақ үйі, (Сәулетшілер: Л.Ухоботов, Ю.Ратушный, А.Анчугов, В.Каштанов). «Алатау» қонақ үйі. (1975 ж салынған), «Медеу» туристік қонақ үйі, (1974 ж. салынған. Сәулетшілер: В.З.Кацев, С.В.Коханович, А.С.Қайнарбаев), сондай-ақ, «Искра» кинотеатры, Қазақ тілі мен әдебиетін тереңдетіп оқытатын республикалық «Дарын» мектеп-интернаты, «Алатау» қонақ үйі, «Ресей» супермаркеті, «Электроника әлемі» дүкендері, «Достық» мейманханасы, бірнеше санаторийлер мен демалыс орындары орналасқан.

Даңғыл бойында Ғани Мұратбаев ескерткіші (Оқушылар Сарайының алдында) 1995 ж. Мүсіншілер: Т.Досмағамбетов, О.Прокофьева. Сәулетшілер: Ш.Уәлиханов, А.Қайнарбаев); Жамбыл Жабаев ескерткіші. (ақынның 100 жылдық мерейтойына байланысты 1996 ж. орнатылған. Мүсінші: Б.Әбішев. Ландшафтың сәулетшілері: Ю.Ратушный, Т.Ералиев, О.Балықбаев); Т.Шевченко ескерткіші, (2000 ж. Орнатылған. Мүсінші: В.Рожик) орнатылған.

Ғимараттар

• 
• 
• Сурет:Kazakhstan Trade House.JPG
• 

Ескерткіштер

• 
  И. В. Панфилов ескерткіші
• 
  Т. Г. Шевченко ескерткіші
• 
  Абай ескерткіші