Драко Малфой

Дра́ко Ма́лфой (ағылш. Draco Malfoy) —Хәрри Поттер томдық қиял-ғажайып шығармалар жинағындағы кейіпкер. Ажалдың жаупауышысы. Хогуартстағы Хәрри Поттердің дұшпаны. Бірінші кітаптың бастапқы тарауында кездесіп, басты кейіпкерлердің біреуіне айналады. Драко Малфойды фильмдерде британдық актер Том Фелтон сомдайды.

Жалпы ақпарат

Аты: Драко Люциус Малфой;
Ата-анасы: Люциус Малфой және Нарцисса Малфой;
Отбасының жағдайы: кітапта әйелінің аты жазылмасада, Ж.К.Роулиңтің айтуынша оның аты Астория Гринграсс;
Ұлы: Скорпиус Гиперион Малфой;
Дене бітімі: ұзын бойлы, арықтау;
Ерекше белгілері: ашық түсті шашы, суық көзді;
Факультеті: Слизерин;
Квиддич: Слизерин тобының аушысы (2-6 курс);
Таяқшасы: 10 дюйм, долана мен жалғыз мүйіздің шашы, серпімді. Бузин таяқшасының уақытша иегері болған.

Сипаттама

Дракода ашық, тіпті түссіз шаш, бозарған тері, суық сұр көзі, үшкір иегі бар. Ол ұзын, бойлы, арық, дене бітімі Хәрри Поттерге ұқсас.

Сюжеттегі рөлі

Малфойдың анасы — Нарцисса Малфой, әкесі — Люциус Малфой. Таза қанды сиқыршылардың отбасында дүниеге келген. Оның туыстарының көбісі Воланд-де-Морттың көзқарастарымен келісіп, оның жағына өткен болатын. Роулиңтің бірінші кітабында Драко Невилл Долгопупстың еске салғышын ұстаған болатын. Хәрри оны Дракодан алу үшін сыпырғышпен артынан қуып, Гриффиндордың деканының терезесіне келіп соғылғын. Гарридің керемет ұшқанын көріп, декан оны квиддич тобына жазған. Алтыншы кітаптың аяғында оған Дамблдорды өлтірсін деп бұйрық берген. Бірақ қолынан келмеді. Малфойлардың үйіне Хәрри, Рон, Гермиона келгенде ол оларды әшкерелемеді. Алтыншы кітапта Хәрри Драконы Мародерлар Картасымен бақылаған. Әжетханада Хәрри Драконың жылап тұрғанын байқаған. Ол Хәрриді көріп, оған Круциатуспен шабуыл жасағысы келген. Қорғанамын деп Хәрри оған Сектумсемпра дуасын қолданып, Драконы қатты жаралаған. Содан кейін Северус Снейп келіп, Малфойды лезде емдеген. Соңғы кітапта Хәрри Драконы зұлым алаудан құтқарған болатын. Осы жағдайдан кейін олардың дұшпандығы бітеді. Эпилогта Драконың ұлы— Скорпиус жайлы айтылса да, әйелінің есімі аталмайды. Ж. Роулиң сұхбатында Драконың әйелі Астория Гринграсс деген.

Кейіпкердің құрылуы

Роулингтің сөзінен, Драконың кейіпкері мектеп кезінде кездестірген бұзық балалардан алынған. Басында Драконың аты «Драко Спунген» болатын. Бірақ өзгертілгенФилипп Нелдің ойынша, Малфойдың тегі француз сөзі mal foi, яғни «арамдық» сөзінің аудармасы деп ойлайды.