Дүртөбе

Дүртөбе – ежелгі қоныс орны, Түркістан облысының жергілікті маңызы бар тарих және мәдениет ескерткіштері тізіміне енген археология ескерткіші.

Орналасқан жері

Отырар ауданы, Көкмардан ауылынан 5,5 км оңтүстікте, Көкмардан шатқалында, Арыстың сол жақ жағалауында, өзеннің Сырдарияға кұяр жерінде.

Деректер

1967 жылы Отырар археологиялық экспедициясы (жетек. К. Ақышев) зерттеген.
Ескерткіш "алаңқайлы төбе" түрінде. Қазіргі орны төрт бүрышты келген төбе. Табанының ауданы 50x50 м, үстіңгі бөлігінің ауданы 25x25 м. Солтүстіктен шығысқа қарай созыла жаткан алаңқай-төбешіктің ұзынынан алғандағы ені 160 м. Зерттеу жұмыстары Дүртөбені халық 4—6 ғасырлар шенінде мекен етіп, егін егумен және мал өсірумен айналысқаңдығын айқындаған.