Дәптер

Дәптер — қағаздан жасалған парақтардан тұратын, әртүрлі әдістермен бекітілген (спиральдау, тігу, қапсырмалау) ақпараттың жазбаша тасымалдаушысы, жазылымдарға арналған заты. Дәптердің парақтары таза, тор көзді, таза жолды және т.б болуы мүмкін. Дәптерлерді көбінесе оқушылар, студенттер қолданады. Сонымен қоса дәптерлер ғылыми практикада лабараториялық журнал ретінде, медицинада амбулаторлық карта ретінде кездеседі.

Сөз төркіні

Грекше: διφθέρᾱ (diphthérā) "тері" > арабша/парсыша: دفتر (daftar) > қазақша: дәптер.

Пайда болу тарихы

Б.з.б. VII ғасырдан бастап, ежелгі гректер мен римлендер сүйек және қорғасын тақтайшалардың орнына ақпаратты, суреттерді балауызбен қапталған ағаш тақтайшаларға жаза бастады. Жазбаларды стилус арқылы жасаған және теріс жағымен сүрткен. Осындай тақтайшалар төрт данадан бекітілген.

Құрылымы

Дәптердің құрылымы брошюраға ұқсас келеді, яғни сыртыңда қаптама, ал ішінде әртүрлі әдіспен бекітілген парақтар бар. Көбінесе оқушы дәптері 12, 18, 24, 36, 48, 60, 80, 96 парақтан тұрады.