Дәстен Абылайұлы Баймұқанов
Дәстен Баймұқанов Абылайұлы – айтыскер ақын, жазушы, композитор және өлкетанушы. Петропавл қалалық "Қазақ тілі" қоғамының төрағасы қызметін атқарған. 1997 жылдан бері кәсіпкерлікпен айналысып, 2000 жылдан бастап Солтүстік Қазақстан облысында ақындар айтысын, жыршылар мен термешілер байқауларын ұйымдастырып, конкурстарға өзі демеушілік еткен.
| Дәстен Баймұқанов | |
| Туған күні | |
|---|---|
| Ұлты |
қазақ |
| Мансабы |
ақын, жазушы, композитор, өлкетанушы |
| Шығармалардың тілі |
қазақ тілі |
Дәстен Баймұқановтың шығармашылығында көбінесе отаншылдық тақырыбындағы әндер кездеседі. Олардың бірі - 1991 жылы еліміздің Тәуелсіздігіне арнап шығарған және сөзін жазған «Қазағым» әні.[1] Әннің алғашқы орындаушысы - Дәмеш Құрманкина. Кейін әнші Біржан Есжанов та осы әнмен сахнаға шығып жүр.
Сондай-ақ оның музыкаға қосқан үлесіне "Гүлдерай", "Мерей" фольклорлық ұжымдарын, Жаңажол ауылында ұлттық театрды, Майбалық ауылында ақындар мектебін ашқанын жатқызуға болады.
Дәстен Баймұқановтың бірінші кітабы - "Өмірмен кеңескенде" жинағы 2018 жылы жарық көрген. Кітапқа автордың әндері, прозасы және тарихи зерттеулері кірген.