Дәуімшар қорымы
Дәуімшар қорымы (XVIII ғ. аяғы - ХХ ғ. басы) - 200-ден астам ескерткіштерді қамтиды.
Бұл зират Адайдың қырықмылтық бөлімінің батыры Дәуімшар (Есекей) есімімен аталады. Аңыз әңгімелерге қарағанда мұнда қалмақтармен соғыста қаза болғандар жерленген. Екінші бір мәліметте Дәуімшардың бастауымен қазақ жасақтары кезінде Гурьевтен шыққан ағылшындар экспедициясымен қақтығысып, содан көп адам қаза табады. Бұл 1810 ж. болған. Осы ұрыста қаруы аса көп ағылшындар оғынан адайлардың көп адамы шейіт болады, келімсектер жағынан да шығын болады. Ағылшындардың моласы қауымның етек жағында, одан сәл берігірек жатыр.
Дәуімшар қорымы дулыға тәрізді күмбездері бар тастан тілініп алған блоктар арқылы салынған үш мазар ерекше көз тартады. Әсіресе, Мырза Мұрын мазарының (1881-1882 ж.) шеберлігі мүлде бөлек. Сондай-ақ шикі кірпіштен салынған үйтам, сағанатам мазарлары, қабір үстіндегі қойтастар да ерекше назар аудартады. [1]
Дереккөздер өңдеу
- ↑ Ақтөбе: энциклопедия. - Ақтөбе, 2001. - 748 бет
Сыртқы сілтемелер өңдеу
- ДӘУІМШАР ҚОРЫМЫ Мұрағатталған 11 қаңтардың 2018 жылы.