Дәуіт ата қорымы

 Басқа мағыналар үшін Дәуіт (айрық) деген бетті қараңыз.

Дәуіт ата қорымы - Қарақалпақстанның Қоңырат қаласынан солтүстік-батысқа қарай 10 км жерде. Үстірт жарқабағының етегінде, төбе басында орналасқан қазақ бейіттері. Бейіттер 19 - 20 ғасырларда салынған.

Қорымның атауы батыр Барақ Сатыбалдыұлының немересі, Асау батырдың ұлы Дәуіт батыр есімімен байланысты қойылған. Дәуіт атаның сағанатамы мен қүлпытасы жергілікті халықтың сиынатын қасиетті орнына айналған. Қорым Маңғыстау мен Үстірт аймағына тән бейіт құлпытастарынан тұрады. Күмбезді кесенелер, сағана-тамдар, құлпытастар, қойтастар мен сандықтастар өте шебер әрі жергілікті дәстүрлерді берік сақтай отырып салынған.