Дөңгелек арамен аралайтын білдектер

Дөңгелек арамен аралайтын білдектер (ор. круглопильные станки) — кескіш құрал ретінде дөңгелек аралар қолданылатын ағаш өңдейтін білдектер. Технологиялық өңдеу тәсілдеріне қарай бойлай, көлденең және пішіндеп аралап кесетін білдектер болады.

Түрлері өңдеу

Дөңгелек арамен бойлап аралайтын білдектер (ор. круглопильные станки для продольного распиливания) - бұл білдектер аралары төменгі және үстіңгі жақта орналасқан болып екіге бөлінеді, Беріс қозғалысы көбінесе қарама қарсы болып келеді. Беріс механизмінің құрылысына қарай білдектер жанышпа білікті (аралайтын материалдардың ең үлкен өлшемдері: ені 300 мм, биіктігі 80 мм) және жанышпа білікті-конвейерлі (араланатын материалдардың ең үлкен өлшемдері: ені 400 мм, биіктігі 100 мм) болып келеді. Бұл білдектерде ағаш материалдарының талшықтарына қарай көлденең және бұрышпен тіліп дайындамалар жасалады.

Дөңгелек арамен көлденең аралайтын білдектер (ор. круглопильные станки для поперечного распиливания) — тілінген материалдардан долбарлап және таза өңдеу, пішімдеу, шетжақтау, т.б. операциялармен жасайтын машиналар (араланатын материалдардың ең үлкен өлшемдері: ені 500 мм, биіктігі 100 мм).

Дөңгелек аралы беріс сүрекке құрал күймешекпен беретін көлденең тілетін білдектер (ор. круглопильные станки с каретной подачей древесины для поперчного распиливания) - сүректі бір жағынан долбарлап және таза шетжақтауға арналған білдектер. Тілінетін материалдың ең үлкен өлшемі: ені 250 мм, биіктігі 40...80 мм.

Дөңелек арамен кесу және жоңғылай кесу білдектері (ор. круглопильные обрезные и фрезерно-обрезные станки) — тақтайлардың жиектерін қосарлап кесуге, енді тақтайлардың ендерін азайтуға және қималары тік бұрышты араланған материал алуға, сонымен қатар жұқа тақтайшалар жасауға арналған білдектер.

Дөңгелете аралап және жоңғылап ұштарын кeceтін білдектер (ор. круглопильные обрезные и фрезерно-обрезные станки) кесілмеген тақтайлардың екі жақты параллельді жиектерін бойлай өңдейтін (тақталардың өлшемдері:қалындықтары 13... 100 мм, ұзындықтары 1,5...7,5 мм); ендері кең тақталардың екі жақ жиектерін қатар кесіп ендері аздау тақталар жасау (өңделетін тақталардың өлшемдері: қалыңдықтары 13...60 мм, ұзындықтары 1,5...7,5 мм); қималары төртбұрышты тілінген материал жасау үшін (тақталардың өлшемдері: қалыңдықтары 13...50 мм, ұзындықтары 1,85...7,5) қолданылатын құрылғылар.[1]

Дереккөздер өңдеу

  1. Полиграфия, өлшеу техникасы, ағаш өңдеу жабдыктары және металл өңдеу техникасы мен технологиясы: Қазақша-орысша терминдердің түсіндірме сөздігі.