Евгений Иванович Исаков

Евгений Иванович Исаков (14 ақпан 1937, Рузановка ауылы, Сурское ауданы, Ульянов облысы, КСРО — 9 мамыр 2021) — әнші, Қазақстанның халық әртісі (1984; 1970 жылдан Қазақстанның еңбек сіңірген әртісі). Мәскеу консерваториясын бітірген (1964). 1964 жылдан Қазақ опера және балет театрының әншісі. Таңдаулы партиялыра: Борис (М. П. Мусоргскийдің "Борис Годуновында"), Рене (П. И. Чайковскийдің "Иолантасында"), Кончал, Галицкий (А. П. Бородиннің "Князь Игорінде"), Нокс (С. Слонимскийдің "Мария Стюартында"), Мельник (А. С. Даргомыжскийдің "Су перісінде"), Филипп ІІ (Дж. Вердидің "Дон Карлосында"), Мефистофель (Ш. Гуноның "Фаустында"), Базилио (Дж. Россинидің "Севиль шаштаразында"), т.б. Гастрольдік сапармен шет елдерде (Германияда, Въетнамда, Гвинеяда, Данияда, т.б.) болды. 1963 жылы Ивиккауда (Германия) өткен әншілердің Р. Шуман атындағы халықаралық конкурсының лауреаты болды. 1965 жылдан Қазақ ұлттық консерваториясында (1970 жылдан доцент) дәріс береді.

Евгений Иванович Исаков
Туған күні	14 ақпан 1937 (1937-02-14)
Туған жері	Ульянов облысы, КСРО
Қайтыс болған күні	9 мамыр 2021 (2021-05-09) (84 жас)
Мемлекет	КСРО →  Қазақстан
Мамандықтары	әнші
Дауыс түрі	бас
Марапаттары

Дереккөздер

Қазақстан Ұлттық Энциклопедия. 4 том. ISBN 5-89800-157-3