Ежи Дудек

Ежи Хенрик Дудек (пол. Jerzy Henryk Dudek, 23 наурыз 1973 жыл, Рыбник) — польшалық футболшы, қақпашы. 2002 жылғы әлем чемпионатына қатысқан.

Ежи Дудек
Жалпы мағлұмат
Туған күні	23 наурыз 1973 (1973-03-23) (51 жас)
Азаматтығы	Польша
Бойы	188
Позиция	қақпашы
Клуб жайлы ақпарат
Клуб	карьерасын аяқтады
Клуб карьерасы 1991—1995 Конкордия (Кнуров) 119 (-?) 1995—1996 Сокул Тыхы 15 (-19) 1996—2001 Фейеноорд 139 (-132) 2001—2007 Ливерпуль 127 (-152) 2007—2011 Реал Мадрид 2 (-3) Ұлттық құрамы 1998—2013 Польша 60 (-66)

Карьерасы

Карьерасының жарқыраған жылдары "Ливерпульде" өтті. 2001 жылы жазда "Фейеноордтан" "Ливерпульге" ауысты. Трансфер құны 5 млн еуроны құрады.

2005 жылғы Чемпиондар лигасының финалында "Миланмен" ойында Дудек керемет ерлік жасады: матч барысында Шевченконың екі метрден екі қайтара тепкен добын адам сенбес реакциямен қақпаға дарытпады, матчтан кейінгі пенальтилер сериясында екі соққыға тосқауыл болды.

Сол жылы жазда "Ливерпульге" Пепе Рейна келді де, Дудек ақырындап негізгі құрамнан шеттей берді. Ақыры 2007 жылы жазда клубтан кетті. Бірнеше клубтан ұсыныс түскенімен, "Реал Мадридті" таңдады, ол жақта Икер Касильястан негізгі құрам босамады. "Реалда" өткізген төрт жылда екі рет қана Испания чемпионатында алаңға шықты.

Карьеасындағы соңғы ойынын 2011 жылы 21 мамырда "Алмерияға" қарсы өткізді. Бастапқы құрамда алаңға шыққан оны футболшылар дәлізбен шығарып салды, көрермендер тік тұрып қол соқты. "Бүгінгі күн тамаша өтті. Мен Моуриньодан матчтың соңғы минуттарында мені алмастыруын өтініп ем, қарсы болмады. Көрермендерден мұндай жылы ықыласты мүлде күтпеп ем" деді Дудек.

Жетістіктері

• Нидерланд кубогы: 1998/99
• Нидерланд суперкубогы: 1999
• Польшадағы жыл футболшысы: 2000
• Лига кубогы: 2002/03
• УЕФА чемпиондар лигасы: 2004/05
• Англия кубогы: 2005/06
• Испания чемпионы: 2007/08
• Испания кубогы: 2010/11

Сілтемелер

• Профилі мен статистикасы