Елдің әуе шабуылына қарсы қорғаныс әскерлері

Елдің әуе шабуылына қарсы қорғаныс әскерлері — ракетаға, ұшақтарға, ғарышқа қарсы қорғанысқа арналған қарулы күштер түрі. Елдің әуе шабуылына қарсы қорғаныс әскерлері зениттік ракеталық өскерлерден, ракета тасымалдаушы жойғыш авиациядан, радиотехникалық және арнаулы әскерлерден тұрады. Елдің әуе шабуылына қарсы қорғаныс әскерлерінің негізгі міндеті — еліміздің аумағын ядролық соққылар мен әуеғарыштык шабуылдың кез келген құралдарынан қорғау. Елдің әуе шабуылына қарсы қорғаныс әскерлері қарсыластың әуе-ғарыштық шабуылын тойтарып, олардың елдің өуе кеңістігіне кіруіне жол бермеуі тиіс. Елдің әуе шабуылына қарсы қорғаныс әскерлері өз міндеттерін қарсыластарды әуеде жою, әуе ұрысында оған радиокедергілер жасау арқылы іске асырады. Бұл үшін оларда алыс және жақын биіктіктегі нысананы жою дәлдігі жоғары зениттік ракеталық кешендер, дыбыстан жоғары жылдамдықтағы ракета тасушы жойғыштар — тосып алғыштар, тез байқайтын және ескертетін радиотехникалық құралдар бар.