Елеусіз сым бөгеттер

Елеусіз сым бөгеттер — әуеден және жерден арнайы бүркеніші болмаған жағдайда да білінбейтін, жаяу әскерге қарсы құрылған, тікенексіз сымнан жасалған бөгеттер. Бірінші және Екінші дүниежүзілік соғыстарда қолданылған. Оларға: аласа қазықшалы сым торлар, ирек торлар, тұзақтар және басқалар жатады. Ең тиімдісі — білінбес бөгеттердің зауытта дайындалған стандартты пакеттерінен жасалған сым торлар. Қиындатылған үлгісіндегі бұл пакеттің өлшемі 120x60x12 см, салмағы 30 кг. Жергілікті жерге қондырғанда биіктігі 100¬120 см торт қабатты кеңістік торы жасалынады. 1 километр бөгетке 100 пакет қажет. Сым торлары әскер позицияларының алдына және маңызды объектілердің касына басқа бөгеттермен және табиғи кедергілермен сәйкестендіріліп қойылады. Олар тек жаяу әскердің ғана емес, сонымен қатар ЖҮМ-лардың, бронетранспортердың, автомобильдердің, кейде танктердің козғалысын токтата алады. ЕСБ сонымен қатар, теңіз жағалауындағы десантқа қарсы қорғаныста да қолданылады.