Емшегін көкке сауу - қазақ халқының әдет-ғұрыптарының бірі. " Ана біткен аспанға ақ сүтін сауып, зарлап, өлі-тірі әруақты шақырды". (Ә.Сараев). Ата-анасына зәбір-жапа көрсеткен, қол жұмсаған, тілі тиген немесе ел-жұртына, руына ел істемеген іс істеп ұят келтірген жастарды жазалаудың ауыр түрлері бар. Олар атаның теріс батасы және ананың емшегін көкке саууы. Яғни, бұл қарғыстың шегі болып саналады. Ана мұндай жағдайда " ақ сүтімнің садағасы кет! " деп өз баласына немесе қылмыскерлерге лағнет айтып, қарғай отырып, құдайға, әруақтарға салып емшегін көкке сауады. Бұл - ата-анасының елбұзарларға деген ең ақырғы ауыр жазасы. Бұл жаза, қарғыс алынбайды. Мұндай қарғыс алған адамдарды жұрт өз қатарына алмайды пейіл білдірмейді, қамқорлық жасамайды.[1]
- ↑ Қазақ халқының салт-дәстүрлері.-Алматы:"Алматыкітап баспасы" ЖШС,2014
