Енисей бөйраты

Енисей бөйраты , Енесай бұйраты, Орта Сібір үстіртінің (Ресей, Краснояр өлкесі) оңт.-батысында орналасқан. Енисей өз-нің орта ағысының оң жағалауын бойлай оңт.-шығыстан солт.-батысқа қарай 900 км-ге созылған аласа таулы бұйрат. Аум. 900 км²-дей. Ең биік шыңы — Енашим Полкан тауы (1104 м). Бұйрат Байкал қатпарлығының антиклинальдік және синклинальдік құрылымдарынан түзілген және кембрийге дейінгі гнейстен, тақтатастан, интрузивтік граниттен құрылған. Е. б-ның суайрық жерлері жалпақ белесті, кей жерлері батпақты. Беткейлері өзен аңғарларымен қатты тілімденген. Климаты қатаң континенттік. Қысы суық, қар қалың түседі (90 см). Қаңтардың орташа температурасы –20 — 25°С. Жазы қоңыржай жылы. Шілденің орташа температурасы 16°С. Жауын-шашын мөлш. 550 — 700 мм. Е. б-ның аумағы ылғалды (ылғалдану коэфф. 1,0 — 1,33). Көпшілік жерінде таудың тайгалы-тоңды топырағы қалыптасқан. Оны балқарағай, қарағай, майқарағай, шырша, самырсын басым өскен орман көмкерген.