Ерекше эйзения

Ерекше эйзения - сирек кездесетін қалдық түр. Батыс Тянь-Шань жергілікті түрі. Талас Алатауында ( Ақсу -Жабағылы қорығында ) таралған. Теңіз деңгейінен 1200 - 1300 м биіктікте ну бұта өсетін (долана және т.б.) топырақтан табылған. Інде тіршілік етеді. Топырақ бетіне түскен жапырақтармен қоректенеді. Көктемде көбейеді, ауа райы қолайлы болғанда, күзде жұмыртқа пілләларын салу арқылы көбейеді. Бұталардың кесілуі мен малдың шектен тыс жайылуы эйзенияның санының кемуіне әсер етеді. Түрді қорғау үшін Ақсу-Жабағылы қорығында қорықтық тәртіпті міндетті түрде қатаң сақтау керек. Қазақстан жерінен басқа жерде кездеспейтін бұл жергілікті түрдің жоғалуын жерсіндіру жолымен толтыруға болады.

Дереккөздер өңдеу

  • "Ғажайып омыртқасыздар" Қазақстан Қызыл кітабы беттерінен. Алматыкітап 2005