Ереуіл Оразымбетұлы Нұрсейітов

Ереуіл Оразымбетұлы Нұрсейітов (2.01.1956 жыл, Солтүстік Қазақстан облысы, Преснов ауданы, Орталық ауылы) - мемлекеттік қайраткер. Қазақ.

Алматы халық шаруашылығы институтын бітірген (1982), экономист; ІІМ Ленинград мектебінің тексерушілер курсын бітірген (1985); КСРО ІІМ Горький мектебінің соттық-бухгалтерлік сараптама курсын бітірген (1986).

Қазақстанның арнайы басылымдарына басылған бухгалтерлік-аудиторлық жұмыс және салық салу мәселелері бойынша 200-ден астам жарияланымның, сондай-ақ салық, бухгалтерлік есепке алу және аудит жөніндегі 30-дан астам брошюрлар мен жинақтардың авторы.

1978 жылдан - Мемкино жүйесінде материалдық-техникалық жабдықтау инженері, есептеу стансасының өндірістік бөлімінің инженері. 1981 жылдан - ҚазКСР Мемжабдықтау комитетінің Материалдық ресурстар және баланстар басқармасының айрықша маңызды нысандар құрылысының жабдықталуын бақылау бөлімінің инженері. 1982 жылдан - ҚазКСР ІІМ бақылау-тексеру қызметінде еңбек еткен. 1987 жылдан - автокөлік және құрылыс кәсіпорындарын тексеру бөлімінің бастығы, ҚазКСР Көлік министрлігінің №3 таксопаркінде бас тексеруші, бас бухгалтердің орынбасары. 1992 жылдан - Акционерлік сақтандыру қоғамының және инвестициялық қордың бас бухгалтері; шағын жеке кәсіпорынның директоры. 1994 жылдан - «ЮСКО Қазақстан Интернешнл» компаниясының және «КОРУС» компаниясы өкілдігінің бас бухгалтері. 1995 жылдан - «Финаудит» фирмасының аудиторы және директоры. 1998 жылдан - «Қазақконсалтинг» компаниясының вице-президенті, президенті. 1999 жылдан - «Финаудит» фирмасының басшысы; «Финаудит» және «Финаудит Астана» фирмаларының президенті, Орталық бухгалтерлер үйінің редакциялық кеңесінің төрағасы.

2008 жылдан бері - Бәсекелестікті қорғау агенттігінің (Монополияға қарсы агенттік) төрағасы.

ҚР Аудиторлар палатасы кеңесінің мүшесі, ҚР Аудиторлар палатасының вице-президенті (2000-2003).

«Салық мәдениетін қалыптастыру» қорының сарапшысы (2000 жылдан). Алматы қаласындағы Аумақтық аудиторлар палатасының төрағасы (2000 жылдан). Қазақстан Бухгалтерлер мен аудиторлар одағының төрағасы.

Әскери атағы

Әскери атағы - аға лейтенант.

Үй жағдайы

Әкесі - Нұрсейітов Оразымбет Нұрсейітұлы, марқұм, ҚазКСР Жоғары және орта арнаулы білім беру министрлігі мен Ағарту министрлігі орталық аппараттарында қызмет атқарған. Анасы - Воронина Светлана Николаевна, зейнеткер, педагогика саласында 50 жыл еңбек еткен. Үйленген. Жұбайы - Әлімжанова Нұрлықыз (1958 жылы туған) ҚР аудиторы, ҚР Аудиторлар палатасының мүшесі, «Финаудит - Астана» фирмасының атқарушы директоры. Ұлы - Нұрсейітов Данияр (1980 жылы туған), сертификат алған бухгалтер-тәжірибеші (САР), «Файл бухгалтера» журналының редакторы.