Ержан Ғаббасұлы Кәрібаев

Ержан Ғаббасұлы Кәрібаев (6.01.1958 жыл, Шығыс Қазақстан облысы, Ұлан ауданы, Белогор кенті) - кен орын ашушы, Техника ғылымдарының кандидаты. ҚР Минералды ресурстар академиясының мүшесі- корреспонденті (1996)..

Ержан Ғаббасұлы Кәрібаев
Туған кездегі есімі	Ержан Ғаббасұлы Кәрібаев
Туған күні	6 қаңтар 1958 (1958-01-06) (66 жас)
Туған жері	Ұлан ауданы
Азаматтығы	Қазақстан
Ұлты	қазақ
Марапаттары мен сыйлықтары

Білімі

• В.И. Ленин атындағы Қазақ политехникалық институтын (1980) тау-кен инженері-маркшейдер мамандығы бойынша;
• Мәскеу тау-кен институтын (1990) кен ендірісіндегі еңбекті қорғау жөніндегі инженер мамандығы бойынша бітірген.

Ғылыми еңбектері

20-дан астам жарияланымдардың авторы.

Еңбек жолы

• 1980 жылдан - Белогор тау-кен-байыту комбинаты Белая Гора кенішінің учаскелік маркшейдері.
• 1983 жылдан - Белая Гора кенішінің №1 жер асты учаскесінің бастығы.
• 1985 жылдан - Қазақ КСР Мемлекеттік тау кен-техникалық инспекциясының Шығыс Қазақстан округы Семей облыстық тау-кен-техникалық инспекциясының учаскелік тау-кен-техникалық инспекторы.
• 1988 жылдан - Қазақ КСР Мемлекеттік кен-техникалық инспекциясының Шығыс Қазақстан округы Өскемен жер қойнауын қорғау және геологиялық-маркшейдерлік бақылауды қадағалау женіндегі инспекциясының бастығы.
• 1992 жылдан - Жер қойнауын қорғау және геологиялық бақылау басқармасының жер қойнауын қорғау және пайдалану жөніндегі бастығы, Шығыс Қазақстан аумақтық Жер қойнауын қорғау және пайдалану басқармасы бастығының орынбасары, «Шығысқазжерқойнауы» аумақтық басқармасының бастығы.
• 1997 жылдан - «Қазмемжерқойнауы» минералды ресурстар Бас басқармасының бастығы.
• 1999 жылдан - «Қазгеоақпарат» геологиялық ақпараттар республикалық орталығының бастығы.
• 2000 жылдан - ҚР Табиғи ресурстар және қоршаған ортаны қорғау министрлігінің Геология және жер қойнауын қорғау комитеті төрағасының бірінші орынбасары.
• 2001 жылдан - ҚР Энергетика және минералды ресурстар министрлігі Геология және жер қойнауын қорғау комитеті терағасының орынбасары.
• 2004 жылдан - ҚР Энергетика және минералды ресурстар министрлігі Геология және жер қойнауын пайдалану комитеті төрағасының орынбасары.

Марапаттары

• «Астана» медалі
• «ҚР жер қойнауын Құрметті барлаушысы»
• «ҚР кен орындарын тұңғыш ашушы» белгілерімен марапатталған.