Басты мәзірді ашу

Ерік Жұмаханұлы Балапанов

Ерік Жұмаханұлы Балапанов (4.06.1968 жыл, Алматы) - Экономика ғылымдарының кандидаты (2001).. Қазақ.

Алматы халық шаруашылығы институтын (1989) экономист мамандығы бойынша; Еуразия нарық институтын (1997) қаржыгер мамандығы бойынша бітірген.

Кандидаттық диссертациясының тақырыбы: «Қазақстанның астық нарығының экономикалық механизмін жетілдіру».

1989 жылдан - ұжымшар есепшісінің шәкірті, «Боралдай» бригадасы бригадирінің көмекшісі, бригадирі. 1993 жылдан - «Мұрат және К» ІІІЖК директоры. 1994 жылдан -«Қазтрансбанк» АҚ несиелеу басқармасы бастығының орынбасары; «Еңбек» АҚ бас директорының орынбасары. 1995 жылдан - «Тұран-банк» коммерциялық акционерлік банкінің валюталық операциялар басқармасының бастығы. 1997 жылдан - «ТұранӘлем банкі» ЖАҚ операциялық департаментінің директоры, басқарма төрағасының орынбасары. 1998 жылдан- «Алматы коммерциялық банкі» ЖАҚ басқармасы төрағасының орынбасары; «Қазкоммерцбанк» ЖАҚ басқармасы төрағасының кеңесшісі; «Нан өнімдері» компаниясы Директорлар кеңесінің төрағасы. 2000 жылдан - «Алматы коммерциялық банкі» ААҚ басқармасы төрағасының м.а. 2001 жылдан - «Қазақстан Даму банкі» ЖАҚ басқарушы директоры. 2002 жылдан - «Каспий өнеркәсіптік-қаржылық тобы» ЖШС бас директорының орынбасары. 2003 жылдан - «Қазкоммерцбанк» АҚ корпоративтік несиелеу мәселелері жөніндегі басқарушы директоры. 2005 жылдан - «Қазкоммерцбанк Қырғызстан» АҚ Директорлар кеңесінің мүшесі.

2009 жылдың ақпанынан бері - «Грантум ҰЗҚ» АҚ Директорлар кеңесінің төрағасы.

Үйленген. Жұбайы - Балапанова Әлия Саққызы. Ұлдары - Ербол (1988 жылы туған), Сағадат (2000 жылы туған).[1]

ДереккөздерӨңдеу

  1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2