Ерғазы Мейірғалиұлы Нұрғалиев

Ерғазы Мейірғалиұлы Нұрғалиев (4.06.1954, Шығыс Қазақстан облысы, Самар ауданы, Еспе ауылы) - мемлекеттік қайраткер. Қазақ.

Ерғазы Мейірғалиұлы Нұрғалиев

Білімі

• Өскемен құрылыс-жол институтының сәулет факультетін (1977), сәулетші;
• Халықаралық тәуелсіз экология-саясаттанушы университетін бітірген (Мәскеу, 2001), заңгер.

Еңбек жолы

• 1971 жылдан - ШҚО Самар ауданы Бастаушы ауылы ОМ оқытушысы.
• 1972 жылдан - Өскемен құрылыс-жол институтының студенті.
• 1977 жылдан - Кеңес Әскерінің қатарында қызметте.
• 1979 жылдан - Ленинск қаласы 11284 ә/б космодром НҚБ аға инженер-ревизоры, 1980 жылдан - аға инженер-инспекторы, 1988 жылдан - 1-ші дәрежелі инженері.
• 1989 жылдан - Қызылорда облысының халық депутаттарының Ленинск қалалық кеңесінің атқару комитеті төрағасының орынбасары, 1990 жылдан - төрағасының бірінші орынбасары.
• 1992 жылдан - Ленинск қалалық сәулет және қала салу басқармасының басшысы - бас сәулетшісі.
• 1993 жылдан - Ленинск қаласының әкімінің әлеуметтік мәселелер бойынша орынбасары.
• 1994 жылдан - Ленинск қаласының әкімінің мемлекеттік меншік мәселелері бойыша орынбасары.
• 1995 жылдан - «Байқоңыр» космодром және Ленинск қаласындағы ҚР Президентінің арнайы өкілі.
• 1996 жылдан 2004 жылға дейін - «Байқоңыр» космодромындағы ҚР Президентінің арнайы өкілі.
• 2005 жылдың наурыз айынан - Астана қаласы ТЖ Департаменті басшысының орынбасары.
• 2005 жылдың қыркүйек айынан - «Байқоңыр кешеніндегі «Бәйтерек» БК» АҚ бас директорының орынбасары - филиалының директоры.
• 2007 жылдың қыркүйек айынан - «Бәйтерек» БК» АҚ бас директордың бірінші орынбасары - атқарушы директоры.
• 2007 жылдың қазан айынан бері - ҚР Ұлттық ғарыштық агенттігінің жауапты хатшысы.

Қоғамдық ұйымдағы қызметі

«Нұр Отан» ХДП мүшесі.

Марапаттары

• II дәрежелі «Достық» ордені (2001)
• «Қазақстан Республикасының тәуелсіздігіне 10 жыл» (2001) медалі.

Отбасы

• Үйленген. Жұбайы - Нұрғалиева Сара Қабиқызы (1958 жылы туған), журналист, «Қазақстан ғарыш сапары» АҚ

президентінің кеңесшісі.

• Қызы - Нұрғалиева Динара Ерғазықызы (1978 жылы туған).
• Немерелері - Дінмұхамед (1999 жылы туған), Даниел (2003 жылы туған), Дастан (2010 жылы туған).