Ерғали Ошпанбайұлы Түзелбаев

Ерғали Ошпанбайұлы Түзелбаев (10.02.1955 жыл, Алматы қаласы) - полиция полковнигі, Заң ғылымдарының докторы (2005). Қазақ.

Білімі

• КСРО ІІМ Қарағанды жоғары мектебі (1976);
• КСРО ІІМ Бүкіл одақтық ғылыми-зерттеу институтының адъюнктурасын бітірген (1991).

Ғылыми атақтары

• Заң ғылымдарының кандидаты (1991). «Құқықтану» мамандығы бойынша доцент (1998).
• Заң ғылымдарының докторы (2005).

Монографияның, ҚР-дағы қоғамдық қауіпсіздікті қамтамасыз ету, лаңкестікке және діни экстремизмге қарсы күрес мәселелері бойынша, сондай-ақ ҚР ІІМ мамандандырылған оқу орындарында оқу-тәрбие үдерісін ұйымдастыру мәселелері бойынша 48-ден астам ғылыми мақаланың, оқу-тәжірибелік жене оқу-әдістемелік көмекші құралдың авторы.

Еңбек жолы

• 1972 жылдан - КСРО ІІМ Қарағанды жоғары мектебінің тыңдаушысы.
• 1976 жылдан - Алматы қаласы Калинин АІІБ қылмыстық іздестіру инспекторы, аға инспекторы, штаб бастығы.
• 1981 жылдан - КСРО ІІМ Қылмыстық іздестіру басқармасының аса маңызды істер жөніндегі аға инспекторы.
• 1983 жылдан - КСРО ІІМ Қарағанды жоғары мектебінің курс бастығы, әкімшілік құқық кафедрасының дәріскері.
• 1988 жылдан - КСРО ІІМ Бүкілодақтық ғылыми-зерттеу институтының адъюнкты.
• 1991 жылдан - ҚР ІІМ Қарағанды жоғары мектебінің дәріскері, аға дәріскері.
• 1992 жылдан - «СВАМИ» ЖШС заңгері.
• 1994 жылдан - ҚР ІІМ Штабы инспекциясының бас инспекторы; ҚР Президенті Әкімшілігінің Қауіпсіздік кеңесі Хатшылығында құқық қорғау органдары секторының аға сарапшысы, меңгерушісі.
• 1997 жылдан - ҚР ІІМ Алматы жоғары техникалық училищесі сырттай оқыту факультетінің бастығы.
• 1999 жылдан - ҚР ІІМ Академиясы сырттай оқыту факультетінің бастығы.
• 2001 жылдан - ҚР ІІМ Кадрлық жұмыс департаментінің Оқу орындары және кәсіби дайындық басқармасының бастығы; ҚР ІІМ Қостанай заң институтының бастығы.
• 2003 жылдан - ҚР ІІМ Б. Момышұлы атындағы Шымкент заң колледжінің бастығы.
• 2009 жылдан - ҚР ІІМ Ақтөбе заң колледжінің бастығы.
• 2010 жылдан бері - ҚР ІІМ Ақтөбе заң институтының бастығы.

Қоғамдық қызметі

• Құқық бұзушылықтардың алдын алу, қылмыс және нашақорлыққа қарсы күреске байланысты мәселелер бойынша түрлі халықаралық ғылыми-зерттеу конференцияларына қатысқан.
• «Ғылым» халықаралық ғылыми журналының редакциялық кеңес төрағасы.
• ҚР ІІМ Қарағанды заң институтының жанындағы докторлық кеңестің мүшесі.

Марапаттары

• «Құқық тәртібін қамтамасыз етуде үздік шыққаны үшін»
• «Қазақстан Республикасының тәуелсіздігіне 10 жыл»
• «Қазақстан Конституциясына 10 жыл»
• «Қазақстан полициясына 15 жыл»
• 3-ші, 2-ші дәрежелі «ІІО-дағы мінсіз қызметі үшін»
• ҚР ІІМ «ІІО ардагері» медальдары;
• «Милиция озаты» белгісі;
• КСРО ІІМ, ҚР ІІМ құрмет грамоталарымен марапатталған;
• ҚР Президентінің Алғыс хатымен ескеілген.
• ҚР Білім және ғылыми министрлігінің Құрметті қызметкері (2002).
• ҚР ІІМ Еңбек сіңірген қызметкері.

Шендері

• Полиция полковнигі.

Отбасы

Үйленген. 2 баласы бар.