Есекке теріс мінгізу - қазақ халқының салт-дәстүрлерінің бірі. "Ата-анасына тіл тигізген немесе қол жұмсаған ұлды мойнына құрым кигізіп байлап, қара сиырға теріс мінгізеді" ("Жеті жарғы" заңынан). Қылмыс жасаған, елге ұят келтірген ерсі іс істеген, зиян жасаған ер, әйелдерді дала заңы бойынша халық жиналып, оның ұятын бетіне басады. Қара есекке (немесе қара сиырға) теріс мінгізіп, бетіне күйе жағып, есек бауыры астынан аяғын байлап, мойнына қара құрым іліп, үй, ауыл аралатып мазақ етеді, әбден қорлайды. Жұрт бетіне түкіреді. Бұл әсіресе жас балар үшін қатал көрсеткіш, үлгі әрі тыйым. Мұндай қатал үкім, масқара жазаны халық тәрбие құралы, тыйым ретінде қолданған.[1]
Дереккөздер
өңдеу
- ↑ Қазақ халқының салт-дәстүрлері.-Алматы:"Алматыкітап баспасы" ЖШС,2014
