Ескендір Рамазанов

Ескендір Рамазанов (1926 жылы Алматы облысы, Нарынқол ауданы, Көмірші ауылы) - баспагер, ботаник.

• С.М.Киров атындағы қазақ мемлекеттік университетін биолог-ботаник мамандығы бойынша бітірген (1951).
• Кіші ғылыми қызметкер. Е.Рамазановтың 1951 — 1978 жылдар аралығындағы еңбек жолы: мектеп мұғалімі, "Учпедгиз" баспасы, FA ботаника институтының ғылыми қызметкері болып істеген.
• Ал 1978 жылы "Қайнар" баспасына әуелі аға редактор ретінде орналасып, аға ғылыми қызметкер
• "Ақ бидай" редакциясының меңгерушісі дәрежелерінен өткен.

Ол ботаника, өсімдіктану саласында жүзге жуық мақалалар жариялап, "Орысша-қазақша ботаникалық сөздік", "Ауыл шаруашылық терминдерінің орысша-қазақша сөздігі", (Х.Тілемісовпен бірге), "Қазақстанның осімдік әлемі" (С.Арыстанғалиевпен бірге) атты құнды кітаптар шығарған.

Е.Рамазанов мемлекеттік тәжірибеден өткізілген екі бидай тұқымының, сондай-ақ әртүрлі оқулықтар аудармасының авторы ретінде де танылды.