Есік гуманитарлық-экономикалық колледжі

Есік гуманитарлық-экономикалық колледжі - Алматы облысындағы орта буын мамандар даярлайтын жетекші оқу орындарының бірі. Өзінің жарты ғасырға жуық тарихында оқу орны 20 мыңға жуық мамандар даярлап шығарды. Білімгерлерге 164 оқытушы дәріс оқиды. Олардың арасында ғылым кандидаттары мен танымал спорт шеберлері бар.

Мекеме тарихы өңдеу

1966 жылы - Бүгінгі Есік гуманитарлық-экономикалық колледжі Қазақстан Коммунистік Партиясы Орталық Комитеті мен Қазақ ССР Министрлер Кеңесінің 1966 жылғы 4 наурыздағы № 151 Қаулысымен құрылған.

Бұл Қаулыға қол қойған – қазақ елінің біртуар перзенттері, көрнекті партия және мемлекет қайраткерлері Дінмұхамет Ахметұлы Қонаев және Қазақ ССР Министрлер Кеңесінің төрағасы Масімхан Бейсебаев. Осы қаулының негізінде 1966 жылдың 4 мамырында Қазақ ССР Жоғарғы және орта білім беру министрлігінің № 344 бұйрығымен педагогикалық училище өз жұмысын бастап, алғашқы түлектерін оқуға қабылдап, оларға 14 оқытушы дәріс берген. Училищенің бірінші директоры болып Помагалов Владимир Дмитриевич, директордың оқу ісі жөніндегі орынбасары болып Букаев Жұмахан Нүсіпұлы тағайындалған.

1968 жылы - Училищені «Бастауыш білім беру» мамандығы бойынша алғашқы 119 түлек бітіріп шыққан.
1970 жылы - «Музыкалық білім беру» мамандығы,
1979 жылы - «Дене тәрбиесі» мамандығы, «Тұрмыстық қол еңбегі» мамандығы,
1993 жылы - «Мектепке дейінгі тәрбие» мамандығы,
1998 жылы - «Мемлекеттік тілде оқытпайтын мектептердегі қазақ тілі мен әдебиеті» мамандығы,
2002 жылы - «Бейнелеу өнері және сызу» мамандығы ашылып, училище өзінің білім беру қызметінің аясын кеңейте түсті.
1997-2000 жылдары - училище облыстағы ұйғыр мектептеріне бастауыш сынып мұғалімдерін даярлады.
1993 жылы - Қазақстан Республикасының Білім министрлігі Алқасының 5 маусымдағы № 6, Алматы облысы Әкімінің 23 маусымдағы № 6-557 шешімдерімен педагогикалық училище педагогикалық колледж болып қайта құрылса,
2009 жылы - Бүгінгі күн талабына сай Алматы облысы Әкімінің 2009 жылғы 7 мамырдағы № 86 Қаулысымен «Есік педагогикалық колледжі» мемлекеттік қазыналық кәсіпорны «Есік гуманитарлық-экономикалық колледжі» болып қайта құрылды.
2009 жылы - Колледжде: 01111000 - "Негізгі орта білім беру", 0101000 - "Мектепке дейінгі тәрбие және білім беру", 0108000 - "Музыкалық білім беру", 0510000 - "Іс қағаздарын жүргізу және мұрағаттану" (сала бойынша), 0512000 - "Аударма ісі", 0511000 - "Туризм" (сала бойынша), 0507000 - "Қонақ үй шаруашылығында қызмет көрсетуді ұйымдастыру", 1304000 - "Есептеу техникалары мен автоматтандырылған жүйелерді бағдарламамен қамтамасыз ету", 0518000 - "Есеп және аудит" сияқты мамандық түрлері ашылды.

Білім беру жүйесінің нәтижелері өңдеу

Кәсіптік білім беру қызметімен айналысатын оқу орындарындағы оқу-тәрбие жұмысының негізгі және басты саласы – оқу үрдісі. Бұл мектеп түлегі студент атанған алғашқы күннен бастап, қолына диплом алып, қоғам өміріне араласқанға дейінгі үш-төрт жылдың көлемінде бүкіл педагогтар ұжымының үйлескен ақыл-ой еңбегі мен кәсіптік тәжірибесінің нәтижесінде атқарылатын сан салалы, күрделі де ауқымды процесс. Негізгі міндет – оқу орны беретін мамандық түрлері бойынша білім бағдарламаларының орындалуын қамтамасыз ету: оқу үрдісін жоспарлау, ұйымдастыру, бақылау, білім стандарты талаптары деңгейіндегі теориялық білімі мен практикалық машығы қалыптасқан орта буын мамандар даярлап шығаруды іске асыру. Оқу-тәрбие жұмысының басқа салалары сияқты оқу үрдісі де мемлекеттік жалпыға міндетті білім Стандарттары мен Қазақстан Республикасы Өкіметінің, ҚР Білім және ғылым министрлігінің нормативтік-құқықтық құжаттарының негізінде, оқу орнының перспективалық және бір оқу жылына жасалып, бекітілген оқу-тәрбие жұмысының жоспарларына сәйкес жүргізіледі. Жоспарланған жұмыстар: оқытушылардың апталық сағат жүктемесін жобалау, күнтізбелік-тақырыптық, блоктік-модельдік, үйірме секция, клуб жұмыстарының жоспарын жасау, ағымдағы және аралық аттестациялар мен қорытынды мемлекеттік емтихандардың материалдарын дайындау (емтихан билеттері, диктант, мазмұндама мәтіндері, тестік тапсырмалар т.б.), курстық жұмыстар мен диплом жобаларының тақырыптарын белгілеп, жазу, қорғау жұмыстарының ұйымдастырылуы мен орындалуын қадағалау, студенттердің шығармашылық ізденіс жұмыстарына жетекшілік ету, мемлекеттік біліктілік комиссияларының құрамында білім сапасы мен оқу бітіруші түлектердің кәсіптік дайындық деңгейін бағалау жұмыстарына ат салысу, Білім Министрлігінің, облыстық білім басқармасы мен білім саласы бойынша бақылау департаментінің, статстика мекемелерінің, басқа да құзыретті орындардың шұғыл тапсырмалары бойынша мәліметтер, ақпараттар дайындау т. б. - негізгі құрылымдық бөлімшелер болып табылатын кафедралардың қызметі арқылы жүзеге асырылады. Колледжде 11 кафедра жұмыс істейді. Оқу орнындағы оқу-тәрбие үрдісінің жай-күйін, оқытушылардың кәсіби даярлық деңгейі мен шығармашылық мүмкіндіктерін, оқушылардың білім сапасын анықтап, жекелеген салалар мен құрылымдар бойынша орын алған кемшіліктерді жоюға бағытталған іс-шаралар кешенін белгілеуде, оқу семестрлерінің қорытындысын шығарып, жаңа міндеттер қабылдауда колледжішілік бақылаулардың, олардың нәтижелері қаралатын педагогикалық кеңестердің рөлі ерекше. Осындай кешенді іс-шаралардың нәтижесінде оқу семестрін тек күндізгі бөлімде 1622 білімгердің 230-ы үздік, 828-і «жақсы және өте жақсы» деген бағаға аяқтап шықты. Соңғы жылдарда жаңа мамандық түрлерінің ашылуына байланысты жұмысқа жас мамандар көптеп қабылданып, оқытушылар ұжымы сандық жағынан ғана емес, сапалық жағынан да айтарлықтай өзгеріске ұшырауда. Соған қарамастан ағымдағы оқу жылының бірінші жартыжылдығының қорытындысы бойынша үлгерім 96,1 %, сапа 61,6 %-ды құрады. Бұл осының алдындағы жылдармен салыстырғанда біршама төмен нәтиже. Оқу орнының білім беру қызметінде бір де бір сәт күн тәртібінен түсірмейтін мәселесі – оқу үлгерімі мен білім сапасы, бітіруші түлектердің кәсіптік даярлығының барынша жоғары деңгейіне қол жеткізу. Бұл ауқымды міндетті орындау оқу-әдістемелік жұмыстардың тұтастай бір кешені арқылы жүзеге асуға тиіс. Атап айтқанда, педагогтар ұжымының кәсіптік деңгейіне, оның әр мүшесінің шығармашылық мүмкіндіктері мен сабақ беру ерекшеліктеріне, сабақта қолданатын әдіс-тәсілдеріне сараптама жүргізу, оларды циклдар мен мамандықтар бойынша топтастырып, жүйелі түрде сапалық жағынан жетілдіріп отыру; білім берудің қазіргі заманғы әдіс-тәсілдері мен технологияларын зерделеп оқып үйрену, тиімді жаңа әдіс- тәсілдерді байқаудан (опровациядан) өткізіп, кезең-кезеңімен оқу үрдісіне енгізу – білім сапасын көтеріп, педогогтік қызметтің қан тамырына нәр беріп, қоректендіріп отыратын дәстүрлі шаралар болып табылады және бұл сан-салалы жұмыс оларды бір мазмұнға тоғыстырып, тұтас қарауға мүмкіндік беретін әдістемелік проблеманың аясында жүйелі жүргізілгенде өз жемісін беретіні сөзсіз. Инновация, яғни, жаңалық атаулы – адам санасын, әсіресе жастардың танып-білуге, үйренуге деген табиғи әуестігі мен құштарлығын оятып, қызықтыра тартып отыратын ерекше құбылыс болғандықтан, білім саласындағы жаңалықтар дұрыс зерделеніп, оқу үрдісіне дұрыс ұйымдастырылып енгізілген жағдайда, оқытушылардың да, білім алушылардың да ынтасы мен құлшынысын тудырып, белсенділігін арттырады. Нәтижесінде білім сапасы көтеріледі. Өз жетістіктерін көрсетіп, тәжірибе бөлісуге, мақалаларын, сабақ үлгілерін әдістемелік басылым беттерінде жариялап, оқу құралдарын жазуға, түрлі ғылыми жобаларға мен пән олимпиадаларына, сайыстарға т. б. қатысуға тілек білдірушілердің саны артады. Осы орайда, оқу орнында «Білімгерлерді өз бетімен орындайтын жұмыстарға бағыттау арқылы білім сапасын көтеру», «Оқушылардың шығармашылық жұмыстарға деген қызығушылығын арттыру арқылы білім сапасын көтеру», «Оқу үрдісіне жаңа инновациялық технологияларды енгізу – сапалы білім беру кепілі», «Дамыта оқыту технологиялары: сын тұрғысынан ойлау стратегияларын сабақта қолдану жолдары» т.б. мақсаты анық жалпыколледждік әдістемелік проблемалардың оқытушылардың қызу қолдауына ие болып, олардың кәсіптік шеберлігін шыңдау және өз бетімен іздену жұмыстарында ерекше серпіліс тудырғанын атап айтуға болады.

Колледжді басқарған директорлар тізімі өңдеу

Директор есімі	Басқарған жылдары
Помогалов Владимир Дмитриевич	1966-1978 жж
Сагалов Владимир Степанович	1978-1980 жж
Букаев Жұмақан Нүсіпұлы	1980-1986 жж
Бектасова Нұрхан Сүттібайқызы	1986-2004 жж
Темірғалиев Қасымалы Мұқанұлы	2007-2009 жж
Естенов Тоққожа Естенұлы	2009-2012 жж
Жошибаева Гульнара Сагатовна	2004-2007, 2012 жж

Дереккөздер өңдеу

^[1]

↑ http://e-passport.aocnit.kz/index.php?option=com_k2&view=itemlist&task=category&id=1018:%D0%BC%D0%B5%D0%BC%D0%BB%D0%B5%D0%BA%D0%B5%D1%82%D1%82%D1%96%D0%BA-%D2%9B%D0%B0%D0%B7%D1%8B%D0%BD%D0%B0%D0%BB%D1%8B%D2%9B-%D0%BA%D3%99%D1%81%D1%96%D0%BF%D0%BE%D1%80%D0%BD%D1%8B-%D0%B5%D1%81%D1%96%D0%BA-%D0%B3%D1%83%D0%BC%D0%B0%D0%BD%D0%B8%D1%82%D0%B0%D1%80%D0%BB%D1%8B%D2%9B-%D1%8D%D0%BA%D0%BE%D0%BD%D0%BE%D0%BC%D0%B8%D0%BA%D0%B0%D0%BB%D1%8B%D2%9B-%D0%BA%D0%BE%D0%BB%D0%BB%D0%B5%D0%B4%D0%B6%D1%96&Itemid=14&lang=kz(қолжетпейтін сілтеме)

[1] ttp://e-passport.aocnit.kz/index.php?option=com_k2&view=itemlist&task=category&id=1018:%D0%BC%D0%B5%D0%BC%D0%BB%D0%B5%D0%BA%D0%B5%D1%82%D1%82%D1%96%D0%BA-%D2%9B%D0%B0%D0%B7%D1%8B%D0%BD%D0%B0%D0%BB%D1%8B%D2%9B-%D0%BA%D3%99%D1%81%D1%96%D0%BF%D0%BE%D1%80%D0%BD%D1%8B-%D0%B5%D1%81%D1%96%D0%BA-%D0%B3%D1%83%D0%BC%D0%B0%D0%BD%D0%B8%D1%82%D0%B0%D1%80%D0%BB%D1%8B%D2%9B-%D1%8D%D0%BA%D0%BE%D0%BD%D0%BE%D0%BC%D0%B8%D0%BA%D0%B0%D0%BB%D1%8B%D2%9B-%D0%BA%D0%BE%D0%BB%D0%BB%D0%B5%D0%B4%D0%B6%D1%96&Itemid=14&lang=kz(қолжетпейтін сілтеме)

[1]